Thursday, September 11, 2008

وحوي . . يا حوي



-->

-->
وحوي . . يا حوي

قلبى بيحوي

ألف فانوس مليان أحلام

لما بلاقى الدنيـــــــــا حزينة

والأحلام جــــــــوايا سجينة

باخد منهم واعمـــــــل زينة

وألعب وحدى مع الأيام
. . .

وحوي . . يا حوي

قلبى بيحوي

حب بيملى الكون ويزيد

بحب اللمة واحب الضــــمة

واحب سكون الليل والضلمة

واحب النور واللون والزحمة


واحب الدنيا فى لبس العيد

. . .

وحوي يا وحوي

ف نومي وصحوي

بحارب ألف عدو جبان

بحارب كسلي ووخمي وجهلي

وأقاوح لما النوم يندهلي

ولما بحاول أفرح أهلي

بيطلع منى شغل جنان


28 comments:

قوس قزح said...

رغم انه بسيط و قصير
لكن معانيه جميلة
يارب ايامك كلها تكون منورة و مش حزينة

Ossama said...

حلوة جدا يا باشمهندس
وعميقة بجد

شمعى أسعد said...

قوس قزح
----------------

منورة المدونة
اول مرة تزورينا




دكتور أسامة
-----------------
يافندم احنا مش قد الكرم ده
طبعا رأيك يسعدنى جدا

Unknown said...

رائعه

حسيت فيها بشيء من الحزن

بس حلوة أوي

روح طفل كبير ربما رجل كبير السن بقلب طفل ..

معلش بقي كل واحد و نضارته

بس بجد رائعه

ياسمين

Alkomi said...

و تلعب لوحدك ليه يا شمعي و احنا معاك

ولا اسيح بقى عاللي بيحصل

ولا اوعى تكون بتشتغلنا و بتلعب من ورانا


كل سنة و انت و اسرتك طيبين و سعداء

شمعى أسعد said...

عاقلة علي ارض الجنون

----------------------------

روح طفل كبير ربما رجل كبير السن بقلب طفل


ده تعبير بحسدنى عليه
:)


محمد الكومي
-------------

يا باشا لا كان ولا هيكون اللى يلعب لوحده

من غير تسييح بقى
:)

Anonymous said...

عم شمعى
وحوى يا وحوى
عسوووووله قوى
بس بلاش طمع وتلعب لوحدك كده
انت بس نور الفانوس وهاتلاقى العيال كلهم جريوا عليك

Sourah said...

جميلة اوي يا باشمهندس
كل سنة و انت طيب

تقبل تحياتي

و اخر الكلام سلااام ..!!

Anonymous said...

حلوة أوووووووي يا شمعي



كل سنة وانت طيب

Anonymous said...

حلوة قوي يا باشمهندس...

Keep it on, man!

:)

A. Zidan

Mohamed Abdelgeleel said...

مركز ضحايا لحقوق الانسان بالاسكندرية يهيب بكل الناشطين والاعلاميين والصحفيين ولجان حقوق الانسان للمشاركة فى المؤتمر الصحفى الحاشد من وراء اغلاق مدرسة الجزيرة بالاسكندرية جريمة تشريد الف تلميذ بالاسكندرية باغلاق مدرستهم فى اول ايام الدراسة وذلك يوم الجمعة الموافق 19/9/2008 فى تمام الساعة التاسعة مساءا بنادى المحامين - كورنيش جليم - الاسكندرية

Unknown said...

شمعي باشا
كل سنه و انت طيب ده اول تعليق ليا عندك يعني ليا هديه محترمه
جميل اوي الكلام بس فين الفانوس بتاعي

شمعى أسعد said...

وينكى
-----------
ازيك


هاتغنيها بقى

Sourah
---------
وانتى طيبة
وميرسى جدا على زيارتك



تســنيم
-----------

شكرا تسنيم
منورة

سلمى على بورسعيد


Ahmed Zidan
---------------

احمد زيدان الجميل
نورت بجد مدونتى

مبسوط انها عجبتك

EmY
--------

وانت طيب يا جميل
المدونة نورت

فانوسك خديه من الكومى بقى
:)

Anonymous said...

جميلة اوى

وانا بقراها وهى مكتملة

وبعد التعديل

والشيل والحط

حسيت ان عندك حق

هى كده أرق و
أحلى

تقبل قبلاتى

صابرين

Ahmed Al-Sabbagh said...

الله عليك بجد

رغم قصرها بس عيشتنى فى اروع جو

وطالعة حلوة اوى منك

بجد انت شاعر احساسك عالى اوى

تحياتى ليك

Dr.Mohammed Gohary said...

الله
بجد ممتازة
أنا عامل بجد قصيدة زوغيورة عن رمضان
ياريت تشرفنا
تحيااااااتي

Shereen said...

يا شمعى... شكرا على تليقك على موضوعى.. أنا قريت ال Blog بتاعك عن الدالى... وأنضم اليك فى أرائك عن التاريخ والسادات... اللى أقدر ألخلصلك شخصيته فى كلمتين.. لؤم الفلاحين... أما عن دوووووووووووره الفظيع فى الثورة.. ففيلم أحمد ذكى بيقول انه ليلتها خد المدام وراح السينما... وأنا مصدقة... أنا كمان شايفة ان أحمد ذكى أروع ممثل حصل... أتمنى نبقى أصحاب :)

dina seliman said...

جميله جدااا يا استاذ شمعى
بجد رجعتلنا روح رمضان واحنا بنودعه
اللهم تقبل منا صالح اعمالنا
واجعلنا عتقاء هذا الشهر

عمرو عزت said...

جميلة القصيدة
تحياتي لك

أبو خالد said...

أبني العزيز شمعي
قصيدة رائعة تنم عن طيبه و حب لكل الناس رغم الأحزان داخلها إلا أنها بها أمل في الغد
أبني الفاضل
سعدت بزيارة مدونتك و لن تكون آخر زيارة

شمعى أسعد said...

صابرين
---------
اجمل واطول قبلة فى تاريخ السيما
:)

Ahmed Al-Sabbagh
--------------------

احمد الجميل

مش عارف اقولك ايه
غير انك بجد جميل




Dr.Mohammed Gohary
-----------------------

شكرا يا دكتور على مرورك
انشاءالله هاقراها حاضر



Shereen
---------

مبسوط ان بوست عثمان احمد عثمان عجبك

واتمنى نبقى اصحاب طبعا



dina seliman
---------------
اى خدمة
:)




عمرو عزت
----------

شكرا يا عمرو

ببعتلك السلام مع محمود كتير
بيوصل؟



أبو خالد
----------
منورنى يا استاذ
ومنور المدونة
وشكرا لزيارتك جدا

قوس قزح said...

اضافة رقيقة

فيها احساس الفرحة اكتر

تحياتى

بنت مصريه said...

ههههههههههههه
حلوه قوى الشعر والكلام الجميل دا ربنا يسعد ايامك يا رب وتكون كلها وحوى

شمعى أسعد said...

قوس قزح
-------------
أشكرك مرة أخرى
:)


بنت مصريه
--------------

آمين

وشكرا على الدعوة الجميلة دى

كل سنة وانتى طيبة
:)

مهندس مصري بيحب مصر said...

قريت فاروق و ناصر على الريدر
متفق معاك في كل اللي قلته
مش عارف ليه حذفت البوست ده
تقديس الزعماء فعلاً حاجة غير واقعية لإنهم كانوا بشر و لهم أخطاؤهم

شباب روش طحن said...

كلمات جميلة فعلا

تعرف إن في رأي بيقول أن وحوي يا وحوي دي أصلها فرعوني غناها المصريين لما أنتصر المصريين علي الهكسوس

موقع الزمالك said...

اعجبنى جدا هذا البيت متميز يا غالى فى اشعارك
تقبل مورى

موقع الزمالك

موقع جوجو الشامل

موقع الاهلى المصرى 101

موقع اخبار الكورة المصرية,الاوربية,العالمية,الاهلى

موقع النادى الاسماعيلى ,اخبار الاسماعيلى

موقع تعليم الفوركس للمبتدئين اون لاين

موقع شباب بيك

اخبار اليوم said...

تسلم ايديك على الموضوع
اخبار اليوم-اخبار مصر