Saturday, August 12, 2017

هايقدر قلبي ينساكي؟


هايقدر قلبي ينساكي؟
أكيد يقدر
وتمشي الدنيا من غيرك
كمان واكتر
وزحمة الأيام هتلهينا
ومين فينا
حياته واقفة غ التاني
ومن تاني
هانبدأ من جديد وجديد
وتاخدنا الحياة لبعيد
وتنسيني وهنساكي
وتفضل قصتي مغاكي
كما الذكرى
كما الخاطر
 كما الفكرة
واشوفك مرة بالصدفة
هلاقى النظرة مختلفة
مفيش ف عيونا أي كلام
 ولا فاضل ف القلوب لهفة
بنتغير
كما كل الحياة بنكون
 بتعلا الموجة ثم سكون
قوالب جاهزة بنعيشها
 مفيش تفصيل في أي قانون