Sunday, September 01, 2013

قدر مصر .. مماليك فى كل عصر

كان العام 1517 م عاما محوريا فى تاريخ مصر، حين دخل سليم الأول إلى مصر غازيا محتلا، لتصبح مصر بعدها -ولمدة ثلاثة قرون من الجهل والضعف والتخلف- أسيرة الحكم العثمانى. كانت فترة الولاية التركية على مصر نموذجا خالصا للفشل الإدارى، ويمكن اختصار ما حدث لمصرعلى مدار تلك القرون فى كلمتين فقط «تجريف حضارى»؛ بسبب النظام السياسى الفاشل الذى حكم به الأتراك مصر -فعلها مبارك فى ثلاثة عقود فقط -، حيث كان كل همهم هو جمع المال من مصر، وإرساله للباب العالى فى الآستانة، وابتدعوا لذلك أنظمة غريبة لجباية الضرائب مثل نظام «الالتزام»، حيث يكون لكل "ملتزم" عدد من القرى أو الأقاليم؛ يقوم بجمع الضرائب منها مقابل أن تمنحه الحكومة بعض الأطيان تسمى «الوسية»، حيث يجبَر الفلاحين على زراعتها والعمل بها بنظام السخرة أى بدون أجر، وبمرور الوقت، وفى غياب أى محاولة لإصلاح الأراضى أو حفر الترع بها، هجر الفلاحون قراهم، وتدهور الريف المصرى، ولم يكن "الملتزم" يعمل وحده، بل كان جزءًا من نظام إدارى فاسد توغل فى الجسد المصرى يعاونه فى ذلك فلول المماليك إن صح التعبير، ليصدق فيهم قول نابليون «إن مصر بلد إذا أحسنت الإدارة فيه أكل العامر الصحراء، وإذا فسدت الإدارة فيه، أكلت الصحراء الأرض العامرة»

ثم جاء العام 1805 م الذى كان من أكثر الأعوام إشراقــًا فى تاريخ مصر الحديث، ليضع نهاية لثلاثة قرون عجاف، حيث تولى محمد على حكم مصر؛ بتأييد وطلب من الشعب نفسه بزعامة الشيخ عمر مكرم والمعلم جرجس الجوهرى، حدث ذلك بعد ثورة رائعة قام بها الشعب المصرى ضد الوالى السابق، أجبر المصريون فيها الحكومة التركية على عزل خورشيد باشا وتعيين محمد على مكانه، ولم يعجب هذا تركيا ـ وإن أجبِرت عليه تحت الضغط الثورى ـ فكيف تضمن ولاء الوالى الجديد الذى جاء به المصريون، فضلا عن كسر التقليد العثمانى الذى يقضى بأن يعيَّن والى مصر دائما من قبل الآستانة

وكان المشهد كالتالى: والٍ جديد أتى بإرادة شعبية غير مرغوب فيه من الحاكم التركى، خورشيد باشا -المعزول- معتصمًا فى القلعة مقتنعـًا أنه الوالى الشرعى للبلاد، إنجلترا تساند المماليك وتمدهم بالمعونة وتطمئنهم أنها لا تتخلى عن رجالها، وتحاول أن تدفع بمحمد بك الألفى خلفا للمعزول، المماليك أنفسهم كانوا يستعدون لمحاربة الوالى الجديد، وفوق ذلك كله ترسل تركيا أسطولا حربيا إلى مصر ليراقب الوضع عن كثب ويكون فى وضع استعداد وفقا لما تراه تركيا، وفى خلفية المشهد كانت تجرى المؤامرات والصفقات ضد مصر، حيث حاول الإنجليز الضغط فى اتجاه عزل محمد على بحجة أن بقاءه سوف يسبب الفتن ويستفز المماليك، الأمر الذى يجر البلاد إلى الفوضى والحرب الأهلية، وكانوا يرددون أن المماليك هم الأقدر على حكم مصر (وكأن ثورة لم تقم)، ومن جانبهم كان المماليك يستنجدون بإنجلترا ويطلبون منها أن تأتى بجيشها إلى مصر لنجدتهم ومساعدتهم فى الرجوع للسلطة، وبدا أن تركيا تميل لجانب محمد على (دائما هناك مستعمر وفصيل خائن وبلاد تبدو صديقة وهى ليست كذلك)

كانت أهم نقاط القوة لصالح محمد على أنه مؤيد من شعب مصر، ولولا هذا الدعم والتأييد لما استطاع ان يقف أمام ثالوث الشر (إنجلترا، المماليك، تركيا)، وفى المقابل كان رد فعل المماليك هو تدبير هجوم على القاهرة انتقامًا وإظهارًا لقوتهم أمام تركيا حتى تنحاز لهم وتعيدهم للحكم، وحاولوا بالفعل تنفيذ هجومهم فى أغسطس 1805 (أغسطس أيضا، يا للمفارقة!) ولكن محمد على كشف مخططهم، واستطاع أن يستدرجهم بأن جعلهم يتوهمون نجاح خطتهم، فتركهم يتقدمون إلى القاهرة ثم حاصرهم هناك وأغلق كل أبواب القاهرة ولم يدعهم يهربون، وكانوا كلما قصدوا بابا من أبواب القاهرة وجدوه مغلقا ووجدوا جند محمد على فى انتظارهم بالرصاص، ومن المفارقات أنهم قصدوا دار شيخ الأزهر محاولين استمالته إلى جانبهم لكنه طردهم، فأدركوا أنهم لم يعد لهم أى شعبية أو تأييد، وأن الشارع لم يعد معهم، وأنهم صاروا منبوذين مطارَدين حتى قال عنهم الجبرتى «لم يتفق للماليك أقبح ولا أشنع من هذه الحادثة، وطبع الله على قلوبهم وأعمى أبصارهم وغلّ أيديهم»

هذا هو شعب مصر، فى تاريخهِ كما فى حاضره، يطرد كل جسم غريب، إلا من ذاب فيها وتمصر، ويرفض كل نبت شيطانى حتى لو خارجًا من أراضيه، منذ الهكسوس حتى المماليك، مرورًا بكل مستعمر وانتهاء بالمماليك وبكل صور المماليك فى كل عصر


شمعى اسعد

 أغسطس 2013

Friday, February 22, 2013

لكن التاريخ بيقول

طول تاريخ مصر كان دايما المصريين ليهم نفس الهيئة والشكل والسلوك المناسب لعصرهم
مهما اختلفت أديانهم او تعددت بيفضل لكل المصريين شكل واحد
وبطول التاريخ نفسه كان دايما فيه ناس تانية فى مصر شكلها وسلوكها مميز ومختلف عن المصريين ولانهم مختلفين فمحدش منهم فضل فى مصر إلا اللى داب فيها واخد شكلها مع وجود هامش مسموح من التأثير المتبادل يعنى ممكن يسيب بصمة لكن بدون ما يلغى الهوية المصرية وفعلا محدش نجح انه يلغيها من أول اليهود اللى عاشوا فى مصر ايام الفراعنة مرورا بالهكسوس ثم الرومان ثم المماليك ثم العثمانيين ثم الفرنسيين ثم الانجليز
فكروا كده مين استمر بشكله المميز المختلف
ولا حد
اللى استمر داب فيها زى العرب زمان أو بعض الجاليات الأحدث
ودلوقت بدأ ناس مع إنهم مصريين إلا إنهم عايزين يعيشوا بشكل مميز ومختلف وعايزين مصر كلها تبقى شبههم عايزين ياخدوا مصر فى حتة مش شبهها
لكن التاريخ بيقول بشكل واضح إن اللى حاولوا يغيروا هوية مصر ماستمروش
واللى بيحاولوا يغيروها دلوقت مش هايقدروا
ده حكم التاريخ مش حكمى
مصر تدوب الحجر وماتدوبش

شمعى اسعد

Sunday, January 27, 2013

بخصوص شباب الاسكندرية المعتقل من يوم الاحد 20 يناير 2013

يوم الأحد الماضي الموافق 20 يناير 2013 وأثناء نظر محكمة جنايات الإسكندريه لقضية ظباط الشرطة المتهمين بقتل المتظاهرين في أحداث يناير 2011، قامت قوات الشرطة المكلفة بحراسة المجكمه بأستفزاز أهالي الشهداء والناشطين السياسيين المحتشدين- كالعادة - سلميا أمام مقر المحكمه، ثم أطلقت ضدهم هجمة شديدة العنف أستخدت فيها الهراوات وقنابل الغاز المسيلة للدموع بكثافة وضراوة غير مبررتين، وأثناء ذلك الهجوم أكتسحت قوات الأمن المركزي المدعومة بالمدرعات الشوارع والمقاهي المحيطة بمقر المحكمة في منطقة تجارية سياحية مزدحمة بطبعها وقامت بإلقاء القبض على العشرات من الناشطين السياسيين والمواطنين الغير مسيسين، معتدية عليهم بالضرب ومصيبة أغلبهم بكسور وكدمات وأختناق بتأثير الغاز المسيل للدموع، ثم قامت بأحتجاز 31 فردا منهم وترحيلهم إلى سجن الغربانيات السىء الصيت بمنطقة برج العرب دون أن تسمح لأي منهم بإبلاغ ذويه أو محاميه ومن بين المعتقلين في تلك الهجمة البربرية
محمد عز الدين
أمير اسعد
محمد البدري
حسين محمد

رغم أنهم لم يكونوا مشاركين في الوقفة عند مقر المحكمة، ولم يشاركوا بأي شكل في الصدامات مع الشرطه، بل كانوا يجلسون على مقهى التجارية بالمنشية، وكان ذلك فى تمام الساعة السادسة من مساء ذلك اليوم.
مرت علينا كأهالى ليلة طويلة فى البحث عن أسماء أبناءنا فى أقسام الشرطة المختلفة ولم نصل لمعلومة واضحة حتى ظهر اليوم التالى حين توجهنا إلى محكمة المنشية لمتابعة التحقيق وهناك علمنا أن التحقيق سيتم فى محكمة برج العرب لدواعى أمنية
انتقلنا إلى هناك وبعد انتهاء التحقيقات كان قرار النيابة هو الحبس أربعة أيام على ذمة التحقيق وتم تحديد جلسة التجديد الأربعاء 23 يناير 2013 وعلمنا ان الجلسة ستكون فى محكمة برج العرب وبالفعل توجهنا نحن الأهالى والمحامين إلى هناك ووجدنا عدد كبير من قوات الأمن المركز تحيط بالمكان لتأمينه، وانتظرنا ساعات طويلة حتى علمنا من خلال اتصال تليفونى أن الجلسة تم تأجيلها ليوم الأربعاء 30 يناير 2013 وهنا أصابنا الذهول من مفاجأة الخبر الغير متوقع حيث أنه مخالف للدستور والقوانين، ولم نفهم ماذا يحدث ولماذا التأجيل واين القضاة بل اين المتهمين اصلا واين الجلسة
وعلى آخر اليوم عرفنا ما هو أغرب أن قاضى جلسة التجديد كان فى محكمة المنشية مكانه الطبيعى ورفض الانتقال إلى محكمة برج العرب، وحين بدأ الجلسة نادى على المتهمين ولم يجد أحد حيث تحججت الشرطة بعدم إمكانية نقلهم من السجن إلى المحكمة لدواعى أمنيه، فصدر قرارا تعسفيا مخالفا لكل القواعد القانونية بتأجيل نظر الدعوى ليوم الأربعاء 30 يناير 2013 وعليه فإن المعتقلين سيقضون في السجن الجنائي عشرة أيام دون حكم قضائي أو سند قانوني، مما يجعل حبسهم اختطافا واحتجازا بشكل غير قانوني
أى أن خلاصة اليوم كان كالتالى
الأهالى والمحامين وبعض النشطاء والأمن المركزى ذهبوا إلى محكمة برج العرب
والقضاة كانوا فى محكمة المنشية
والشباب لم يخرجوا من حبسهم إلى مقر المحكمة لحضور الجلسة
جاء القرار من محكمة المنشية بتأجيل جلسة التجديد أسبوع بما يخالف القانون ويعرقل المحاكمة العادلة لهؤلاء الشباب، ولا نعلم على أي أساس قانوني تم اتخاذ هذا القرار، وكيف تدار النيابة الآن، الأمر الذى يجعلنا غير مطمئنين على أولادنا.
أما عن التهم التى وجهت لهم هم وبقية المعتقلين هى : الاشتراك مع آخرين بتخريب مبانى وأملاك عامة وكان ذلك بقصد بث الرعب بين الناس وإشاعة الفوضى ... الاشتراك مع آخرين لتعطيل سير وسائل المواصلات العامة ... إستعمال القوة والعنف والتهديد مع موظفيين عموميين ... إتلاف منقولات عمومية ... استعراض القوة والعنف
يجرى كل ذلك في ظل صمت وتجاهل مريبين من الإعلام والمنظمات الحقوقية، وتجمعات الناشطين المقبولين إعلاميا.
إننا نتهم وزارة الداخلية بالتعسف والإنتقامية في سلوكياتها مع هؤلاء الشباب المعتقلين بداية من العنف في الإعتقال وإتهامهم بتهم ظالمة ملفقة بلا أى أساس ولا دليل، مرورا باحتجازهم في سجن مشدد الحراسة رغم أنهم محبوسون احتياطيا، وصولا لحبسهم عشرة أيام دون أي سند قانوني، ونطالب بالإفراج عنهم فى اول يوم عمل



متابعات


مركز النديم
http://www.facebook.com/notes/el-nadeem/%D8%B4%D8%A8%D8%A7%D8%A8-%D9%85%D9%86-%D8%A7%D9%84%D8%A5%D8%B3%D9%83%D9%86%D8%AF%D8%B1%D9%8A%D8%A9-%D8%AA%D8%AD%D9%8A%D8%A9-%D9%84%D9%87%D9%85-%D9%88%D9%84%D9%85%D9%86-%D9%84%D9%85-%D9%86%D9%82%D8%A7%D8%A8%D9%84%D9%87%D9%85-%D9%88%D9%84%D8%AD%D8%B3%D9%86-%D9%85%D8%B5%D8%B7%D9%81%D9%89-%D8%A7%D9%84%D8%AD%D8%A7%D8%B6%D8%B1-%D8%A7%D9%84%D8%BA%D8%A7%D8%A6%D8%A8-%D9%81%D9%8A-%D9%87%D8%B0%D9%87-%D8%A7%D9%84%D8%B4/10151528499114365

azaaz
http://www.avaaz.org/es/petition/Free_the_22_arrested_in_Alexandria/?fTNGSab&pv=0

مدونة مصر وراء الحاجز
http://egiptebarricada.blogspot.com/2013/01/renuevan-15-dias-el-arresto-los.html?m=1

بيان الحزب الاشتراكي المصري
https://www.facebook.com/mostafa.elgammall/posts/582747198420341

بيان الحركة الاشتراكية التحررية
http://www.facebook.com/notes/%D8%A7%D9%84%D8%AD%D8%B1%D9%83%D8%A9-%D8%A7%D9%84%D8%A7%D8%B4%D8%AA%D8%B1%D8%A7%D9%83%D9%8A%D8%A9-%D8%A7%D9%84%D8%AA%D8%AD%D8%B1%D8%B1%D9%8A%D8%A9/%D8%A8%D9%8A%D8%A7%D9%86-%D8%A7%D9%84%D8%AD%D8%B1%D9%83%D8%A9-%D8%A7%D9%84%D8%A7%D8%B4%D8%AA%D8%B1%D8%A7%D9%83%D9%8A%D8%A9-%D8%A7%D9%84%D8%AA%D8%AD%D8%B1%D8%B1%D9%8A%D8%A9-%D8%B9%D9%86-%D8%A7%D9%84%D9%85%D8%B9%D8%AA%D9%82%D9%84%D9%8A%D9%86-%D8%A7%D9%84-31-%D9%81%D9%8A-%D8%A7%D8%AD%D8%AF%D8%A7%D8%AB-%D8%A7%D9%84%D9%85%D9%86%D8%B4%D9%8A%D9%87-%D9%88%D8%A7%D8%B9%D8%AA%D9%82%D8%A7%D9%84-%D8%A3%D8%B9%D8%B6%D8%A7/572171239463770

حملة الاعتراض على معتقلى الاسكندرية
https://www.youtube.com/watch?feature=player_embedded&v=hyMIa960qi4


العرض على قاضى التجديد فى جلسة 30 يناير 2013
http://www.facebook.com/photo.php?v=328390370611216

فيديو مهم جدا فيه لحظات الفبض على محمد عز الدين وأمير اسعد ومحمد البدري وحسين محمد من شارع الشهداء المكان اللى عز كان راكن فيه عربيته والظابط نزلهم منها تحت تهديد السلاح
http://www.youtube.com/watch?v=ticu2sQsHkY&feature=youtu.be



لحظة القبض على امير
http://www.youtube.com/watch?v=AEopYHHON2Y


التحرير 31 يناير 2013
http://www.tahrirnews.com/news/view.aspx?cdate=31012013&id=6b67e8db-ae1f-4ee8-81b7-4bfe693a30fb

المصرى اليوم 30 يناير 2013
http://www.almasryalyoum.com/node/1433341


مجلة الاسكندرية 30 يناير 2013
http://www.bbcalex.com/News/News.asp?id=98695

الفجر 27 يناير 2013
http://new.elfagr.org/Detail.aspx?nwsId=272670&secid=34&vid=2#.UQcrD_KgUwo

الوادى 27 يناير 2013
http://elwadynews.com/news/topic.php?section=3&id=790

مانشيت 24 يناير 2013
http://www.youtube.com/watch?v=4pMysMFDfII

البداية 24 يناير 2013
http://www.albedaiah.com/node/16802


البداية 24 يناير 2013
http://www.albedaiah.com/node/16792


الاقباط متحدون
http://www.copts-united.com/Arabic2011/Article.php?I=1422&A=82824

مدونة انا اناركى
http://moudyfathy91anarchist.blogspot.com/2013/02/blog-post.html

جروب ايمى:  الحرية لامير
http://www.facebook.com/groups/146806755476336?refid=48

الجروب
http://www.facebook.com/groups/417719268308689/

البيدج
http://www.facebook.com/pages/%D8%A7%D9%84%D8%AD%D8%B1%D9%8A%D8%A9-%D9%84%D9%85%D8%B9%D8%AA%D9%82%D9%84%D9%89-%D8%A7%D9%84%D8%A7%D8%B3%D9%83%D9%86%D8%AF%D8%B1%D9%8A%D8%A9/557037054314394





Wednesday, January 23, 2013

أمير

فاكر يا امير اول يوم ليك فى المدرسة
فاكر لما رجعت البيت يومها قابلتك ازاى
عملتك فرح وانت داخل ومبقتش مصدق ان امير كبر ودخل المدرسة
طب فاكر النكتة اللى كنت بتحب تقولها وانت عندك تلات سنين بتاعة وعنده كمااان
طب فاكر جبتلك العسل يا ماما
طب فاكر بابا؟
فاكر انت كنت متعلق بيه قد ايه
طب فاكر لما كنت بتحب تنام جنبى وانا كنت بتضايق عشان انت بترفس؟
وكنت استنى لما تنام وانقلك وانت تقوم من النوم زعلان لما تلاقى نفسك مش جنبى
تصدق يا امير انا لسة عارف من يومين من ماما انك لما كنت فى ابتدائى اتخانقت مع السواق اللى بيوديك ويجيبك المدرسة وسبته وركبت تاكسى لوحدك وجابك لحد البيت، تصور اتخضيت اول ما عرفت (مع انها قدمت خلاص) وقلت ازاى رجع لوحده
طب تعرف ان اول جهاز كمبيوتر جبتهولك كان فى ذكرى وفاة بابا عشان يبقى كأن هو اللى جابهولك
طب فاكر موقع
Dark Future
  اللى كنت مدمنه وانت فى ثانوية عامة وكنت بتلعب عليه اكتر ما بتذاكر وكنت اتخانق معاك ومهانش عليا اعمل بلوك للموقع من الراوتر وقلت اسيبك انت اللى تاخد قرار انك تبطله
طب فاكر لما جاتلك علوم الفيوم وعرفنا انك ممكن تعمل طلب تحويل عن طريق النت وفضلنا متابعين الموقع لانه كان بالأسبقية وكنا خايفين ما نلحقش
فاكر بقى يوم ما الموقع ده بعتلك رسالة ان تم قبول تحويلك لعلوم الاسكندرية
فاكر احتفلنا بالخبر ده ازاى
يومها فرحنا انك اتعفيت من تجربة السفر والعيشة متغرب فى الفيوم
طب فاكر لما اتعفيت من الجيش؟
طب فاكر اول مظاهرة
فاكر يوم جمعة الغضب لما فضلنا طول اليوم لحد بعد نص الليل مش عارفين انت فين وماكانش فيه موبايلات يومها شغالة ونزلنا ندور عليك وفين وفين انت رجعت وقلت لنا انك كنت فى اعتصام محطة الرمل ومن التعب نمت هناك
طب فاكر لما ماما قفلت الباب بالمفتاح عشان ماتنزلش فى مظاهرة وانت هددت انك هاتنط من البلكونة
كل بيت فيه ثائر ومفتاح وبلكونة
هم ولاد الكلب اللى حابسينك شايفينك ازاى خطر عليهم طب بالذمة دى ناس بتفهم؟
هم ليه اتعموا ومش شايفين براءتك ونقاءك كل ده عشان انت ليك قناعاتك الخاصة
انت اتعفيت من الفيوم والجيش طب بالنسبة للسجن ايه؟
السنين جريت بسرعة
وفجأة كده بقى ليك بانر مكتوب عليه الحرية لأمير
امير . . انت كبرت امتى؟

http://www.albedaiah.com/node/16802