Friday, July 03, 2009

إنشد غناك واضرب بقوســــــك ع الوتـــــر

إنشد غناك واضرب بقوســــــك ع الوتـــــر

وارفض تقـــــــول إن الكمنجة هاتتكــــــسر

واعزف كأن الكــــون بحاله هايسمـــــــعك

واحلم بأن الليـل طويــــل وانت القمـــــــــر


* * *


ولا غنـــوة تشبـــــــه غنــــوتك لو قلتــــــها

ولا حاجة تمســـــح دمعتك غيـــر حضــنها

ولا ضى غير ضى العيــــــــون الملــــهمة

يقــدر يفجــــر جــــوة منــــــــك لحنـــــــها

* * *


انت اللى باصص للبـــــــــــــراح والمتــسع

وانت اللى رافـض مهمــــــا راح إنــك تقــع

وانت اللى كاتم جــــوة منـــــــك غنـــــوتك

والغنوة لازم ييجى يــــــــــوم وهاتتســـــمع