-->
-->
وحوي . . يا حوي
قلبى بيحوي
ألف فانوس مليان أحلام
لما بلاقى الدنيـــــــــا حزينة
والأحلام جــــــــوايا سجينة
باخد منهم واعمـــــــل زينة
وألعب وحدى مع الأيام
. . .
وحوي . . يا حوي
قلبى بيحوي
حب بيملى الكون ويزيد
بحب اللمة واحب الضــــمة
واحب سكون الليل والضلمة
واحب النور واللون والزحمة
واحب الدنيا فى لبس العيد
. . .
وحوي يا وحوي
ف نومي وصحوي
بحارب ألف عدو جبان
بحارب كسلي ووخمي وجهلي
وأقاوح لما النوم يندهلي
ولما بحاول أفرح أهلي
بيطلع منى شغل جنان
28 comments:
رغم انه بسيط و قصير
لكن معانيه جميلة
يارب ايامك كلها تكون منورة و مش حزينة
حلوة جدا يا باشمهندس
وعميقة بجد
قوس قزح
----------------
منورة المدونة
اول مرة تزورينا
دكتور أسامة
-----------------
يافندم احنا مش قد الكرم ده
طبعا رأيك يسعدنى جدا
رائعه
حسيت فيها بشيء من الحزن
بس حلوة أوي
روح طفل كبير ربما رجل كبير السن بقلب طفل ..
معلش بقي كل واحد و نضارته
بس بجد رائعه
ياسمين
و تلعب لوحدك ليه يا شمعي و احنا معاك
ولا اسيح بقى عاللي بيحصل
ولا اوعى تكون بتشتغلنا و بتلعب من ورانا
كل سنة و انت و اسرتك طيبين و سعداء
عاقلة علي ارض الجنون
----------------------------
روح طفل كبير ربما رجل كبير السن بقلب طفل
ده تعبير بحسدنى عليه
:)
محمد الكومي
-------------
يا باشا لا كان ولا هيكون اللى يلعب لوحده
من غير تسييح بقى
:)
عم شمعى
وحوى يا وحوى
عسوووووله قوى
بس بلاش طمع وتلعب لوحدك كده
انت بس نور الفانوس وهاتلاقى العيال كلهم جريوا عليك
جميلة اوي يا باشمهندس
كل سنة و انت طيب
تقبل تحياتي
و اخر الكلام سلااام ..!!
حلوة أوووووووي يا شمعي
كل سنة وانت طيب
حلوة قوي يا باشمهندس...
Keep it on, man!
:)
A. Zidan
مركز ضحايا لحقوق الانسان بالاسكندرية يهيب بكل الناشطين والاعلاميين والصحفيين ولجان حقوق الانسان للمشاركة فى المؤتمر الصحفى الحاشد من وراء اغلاق مدرسة الجزيرة بالاسكندرية جريمة تشريد الف تلميذ بالاسكندرية باغلاق مدرستهم فى اول ايام الدراسة وذلك يوم الجمعة الموافق 19/9/2008 فى تمام الساعة التاسعة مساءا بنادى المحامين - كورنيش جليم - الاسكندرية
شمعي باشا
كل سنه و انت طيب ده اول تعليق ليا عندك يعني ليا هديه محترمه
جميل اوي الكلام بس فين الفانوس بتاعي
وينكى
-----------
ازيك
هاتغنيها بقى
Sourah
---------
وانتى طيبة
وميرسى جدا على زيارتك
تســنيم
-----------
شكرا تسنيم
منورة
سلمى على بورسعيد
Ahmed Zidan
---------------
احمد زيدان الجميل
نورت بجد مدونتى
مبسوط انها عجبتك
EmY
--------
وانت طيب يا جميل
المدونة نورت
فانوسك خديه من الكومى بقى
:)
جميلة اوى
وانا بقراها وهى مكتملة
وبعد التعديل
والشيل والحط
حسيت ان عندك حق
هى كده أرق و
أحلى
تقبل قبلاتى
صابرين
الله عليك بجد
رغم قصرها بس عيشتنى فى اروع جو
وطالعة حلوة اوى منك
بجد انت شاعر احساسك عالى اوى
تحياتى ليك
الله
بجد ممتازة
أنا عامل بجد قصيدة زوغيورة عن رمضان
ياريت تشرفنا
تحيااااااتي
يا شمعى... شكرا على تليقك على موضوعى.. أنا قريت ال Blog بتاعك عن الدالى... وأنضم اليك فى أرائك عن التاريخ والسادات... اللى أقدر ألخلصلك شخصيته فى كلمتين.. لؤم الفلاحين... أما عن دوووووووووووره الفظيع فى الثورة.. ففيلم أحمد ذكى بيقول انه ليلتها خد المدام وراح السينما... وأنا مصدقة... أنا كمان شايفة ان أحمد ذكى أروع ممثل حصل... أتمنى نبقى أصحاب :)
جميله جدااا يا استاذ شمعى
بجد رجعتلنا روح رمضان واحنا بنودعه
اللهم تقبل منا صالح اعمالنا
واجعلنا عتقاء هذا الشهر
جميلة القصيدة
تحياتي لك
أبني العزيز شمعي
قصيدة رائعة تنم عن طيبه و حب لكل الناس رغم الأحزان داخلها إلا أنها بها أمل في الغد
أبني الفاضل
سعدت بزيارة مدونتك و لن تكون آخر زيارة
صابرين
---------
اجمل واطول قبلة فى تاريخ السيما
:)
Ahmed Al-Sabbagh
--------------------
احمد الجميل
مش عارف اقولك ايه
غير انك بجد جميل
Dr.Mohammed Gohary
-----------------------
شكرا يا دكتور على مرورك
انشاءالله هاقراها حاضر
Shereen
---------
مبسوط ان بوست عثمان احمد عثمان عجبك
واتمنى نبقى اصحاب طبعا
dina seliman
---------------
اى خدمة
:)
عمرو عزت
----------
شكرا يا عمرو
ببعتلك السلام مع محمود كتير
بيوصل؟
أبو خالد
----------
منورنى يا استاذ
ومنور المدونة
وشكرا لزيارتك جدا
اضافة رقيقة
فيها احساس الفرحة اكتر
تحياتى
ههههههههههههه
حلوه قوى الشعر والكلام الجميل دا ربنا يسعد ايامك يا رب وتكون كلها وحوى
قوس قزح
-------------
أشكرك مرة أخرى
:)
بنت مصريه
--------------
آمين
وشكرا على الدعوة الجميلة دى
كل سنة وانتى طيبة
:)
قريت فاروق و ناصر على الريدر
متفق معاك في كل اللي قلته
مش عارف ليه حذفت البوست ده
تقديس الزعماء فعلاً حاجة غير واقعية لإنهم كانوا بشر و لهم أخطاؤهم
كلمات جميلة فعلا
تعرف إن في رأي بيقول أن وحوي يا وحوي دي أصلها فرعوني غناها المصريين لما أنتصر المصريين علي الهكسوس
اعجبنى جدا هذا البيت متميز يا غالى فى اشعارك
تقبل مورى
موقع الزمالك
موقع جوجو الشامل
موقع الاهلى المصرى 101
موقع اخبار الكورة المصرية,الاوربية,العالمية,الاهلى
موقع النادى الاسماعيلى ,اخبار الاسماعيلى
موقع تعليم الفوركس للمبتدئين اون لاين
موقع شباب بيك
تسلم ايديك على الموضوع
اخبار اليوم-اخبار مصر
Post a Comment