Sunday, October 07, 2007

عثمان أحمد عثمان .. هتعيشوا حياتكم بالمجان




يدفعنى الفضول والفضول فقـــط إلى متــــــابعة مســـلســــل الدالى وســــبب فضــــولى هذا أن المســـلســـــل مستوحى من قصــــــة حيـــــــاة عثمان أحمد عثمان مؤسس شركة المقاولون العرب وبسبب هذا المسلسل أيضاً أطالع مذكرات عثمان أحمد عثمان التى كتبها بعنوان صفحات من تجربتى
ولا شك أن بالكتاب دروس مستفادة ولكن لأن الظرف السياسى يطل برأسه بين صفحات الكتاب ولأن المذكرات كتبت فى عهد السادات (إبريل 1981) فكان لابد أن يكون فى المجمل لصالح عهد السادات وأن يجامله ولو على حساب ما هو معلوم من التاريخ بالضرورة ففى صفحة 136 يقول بالنص
ولكن كل ما أستطيع أن أقوله الآن إننى بصدد كتابة تجربتى الشخصية ولست بصدد كتاب لأسجل حال مصر التى وصلت إليه إلى أن أنقذتها الثورة التى كان الرئيس السادات أول من نسج خيوطها
وهكذا يجامل الرجل السادات ويذكر أنه صاحب فكرة الثورة وليس عبد الناصر وهى مجاملة أقل ما يمكن وصفها به أنها على حساب التاريخ وتطعن الحقيقة فى شرفها ولا يشفع له أنه كان صديق السادات ووزيراً فى عهده وكان أيضا صهره حيث أن إبن عثمان تزوج من إبنة السادات
وبتأمل بسيط يمكننا إدراك كيف يكتبون التاريخ فى بلدنا ... فهو يكتب دائماً لصالح الأقوى حتى لو أضطر كاتبه أن يلوى عنق الحقيقة .. وبالمثل فعل الذين كتبوا التاريخ فى عهد عبد الناصر فقد ظلموا محمد نجيب وقتلوه معنوياً ومازال الكثيرين إذا ما سألتهم من هو أول رئيس لمصر سيقولون بدون تردد أنه جمال عبد الناصر
وحتى فى عصر مبارك أصبح لا تأتى ذكرى حرب أكتوبر إلا ويصبح الحديث عن الضربة الجوية الأولى هو كل تاريخ تلك الحرب .. كما ظلم الجميع الملك فاروق وشوهوا عهده .. وهكذا
أما عن المسلسل فما زال فريق العمل ينكر أى علاقة بين المسلسل وبين حياة عثمان أحمد عثمان ولا أعرف لماذا يصرون على الكذب كما لو كان استنباط عمل درامى من قصة حياة شخصية مثيرة مثل عثمان أحمد عثمان يعد عيباً أو فعلاً مشيناً وإذا لم يكن سعد الدالى يشير ولو من بعيد لعثمان أحمد عثمان فمن يكون ذلك الرجل الذى كان صاحب أكبر شركة مقاولات ثم أصبح وزيراً ولماذا يظهر السادات فى المسلسل. ومن يقرأ مذكرات الرجل سيجد بالفعل تشابهاً كبيراً وليس تطابقاً بالفعل .. حتى أن كلمة إنت مين التى يبدأ بها تتر المسلسل يقول عنها عثمان أحمد عثمان فى مذكراته أن هذا السؤال الذى وجه له فى مواقف عديدة كان علامة فارقة فى مشوار حياته
أما عن أداء نور الشريف فحدث ولا حرج فنور الشريف هو دائماً نور الشريف أى أن سعد الدالى مثل الحاج أحمد عفواً أقصد الحاج متولى .. نفس الأداء الإستعراضى نفس الشخصية التى لا تهزم والتى على حق دائماً ولا تنطق أبداً عن الهوى بل هى العدل المطلق فمن غير الحاج متولى يستطيع أن يقسم الجدول بين زوجاته ويعدل بينهم بهذه الحكمة المتدفقة .. حتى عندما قدم شخصية مبارك فى مسلسل إذاعى منذ سنوات لم يقترب من طريقة الرئيس من قريب أو من بعيد كان فقط نور الشريف .. كعادته دائماً
تذكروا نبرة صوته فى أى عمل له والطريقة التى يصوب بها نظرته نحو خصومه وبريق الحكمة والذكاء الذى يقفز من عينيه .. هو بذاته لا يتغير أبداً
بل إذا قمت بعمل مونتاج بخيالك وانتزعت مشهداً كاملاً من إحدى روائعه ووضعته فى عمل آخر فى مكان مناسب لاتسق الناتج الجديد تماماً بدون أى خلل ولن تشعر سوى بفارق بسيط
حقاً رحم الله أحمد ذكى الذى لا أشك لحظة فى أنه كان يستطيع أن يقوم ببراعة شديدة بأداء دور أم كلثوم

31 comments:

Marwa Friday said...

كل سنة وانت طيب
انا مش متابع الدالي بصورة دورية
لكن معك حق في حكاية الشو بتاعة نور الشريف ..ولو انه بصراحة عاجبني !..ومسألة تشويه التاريخ دي عايزة كلام كتييير كتيييير !..الرؤية النقدية أهنئك عليها يا باشمهندس شمعي ..وآديني دخلت وقريت وعلقت ..عشان ماتقولش اني كنت بقول كلا وبس!:)) تحياتي

Marwa Friday said...

عفوا ..كلام **! تحياتي

Ahmed Al-Sabbagh said...

بصراحة مقالك جميل جدا

بس طبعا لانى من محبى عثمان احمد عثمان جدا

ومن محبى السادات جدا جدا

فحاسس انك متحامل عليهم اوى

لكن عموما مقال جميل

تحياتى

elFadyConsultant said...

الله ينور يا باشمهندس ، ما دارتش بيني وبينك أى حوارات نقدية قبل كده بس أهنيك وأيدك في تحاملهم على ناصر
أما عن نور الشريف فأحب أقول إني عمري ما كنت باطيقه لغاية مرحلة متولي وجلباب أبي فقد تغير أداؤه في تلك الفترة.
وأحب أقولك إني بأحسدك على إنك سبقتني في كلامك عن هذا المسلسل اللي كان نفسي اتكلم عنه في مدونتي حديثة العهد ولكن كان سيكون بوجهة نظر مختلفة لم أستجمعها بعد ولن يحدث هذا قبل الحلقة الأخيرة، وشكرا لأخر تعليق عن أزمة القضاة

مجلة سيكولوجية مصرية said...

ايه التحليل الجامد دا ياعم شمعى

لكن السؤال الذى يطرح نفسه هل فعلا مانراه فى المسلسل هو القصة الحقيقة لعثمان أحمد عثمان ؟

خصوصا انى قرائت تحقيق صحفى فى احدى الجرائد ان القصة بحالها مقتبسه من مسلسل امريكى قديم
طبعا مع تغير بعض الشخصيات والاحداث؟؟؟
مع تحياتى
أحمد مصطفى

smraa alnil said...

يا ابني ومين اللي مش بيغير في التاريخ
كلنا هذا الرجل بنعمل كدة عشان نغير الحاجة لمزاجنا وعشانا احما بس
بالنسبة لدور نور الشريف ففعلا عندك حق
علي اد ماهو ادع فيه كممثل الا ان دوره هو هو لما يكونمسيطر بالفعل علي الموقف
سواء الحاج متولي او الحاج عبد الغفور في لن اعيش في جلباب ابي

بالنسبة بقي انه بيمثل احمد عثمان
فعايزة اقولك ان هما جابو نور الشريف واتصل بيه ابن شقيق احمد عثمان وعرض علي نور الشريف انه يمثل دور عثمان احمد عثمان عشان يبعدوا عنهم الشبهه انه بيمثل دور ثمان
وسمعني تتر مسلسل يتربي في عزوووو

مجلة سيكولوجية مصرية said...

وانا بتفرج على المسلسل وكيف يتم ايهام المشاهد ان الدالى او عثمان احمد عثمان كما يقول البعض شخص طيب

تذكرت
شاعر الحزن والالم نجيب سرور وهو يقول فى اميات نجيب سرور

عثمان أحمد عثمان
اشكول أحمد عثمان
عثمان يعنى التعبان

فان صدق التخمين فايهما تصدق
مسلسل مصرى ولا نجيب سرور

Anonymous said...

dear sham3y
belnesba lelmosalsal fa ana mesh bashfoh lakn 3an eltaree7`
a7eb aaolk hewa feen dah aslan we hewa meen dah elly bey2ool tare7` fe masr we meen beysam3 taree7` fe masr bardoh
de toooha wallahy
7aga tegeeb e7baat
:)
ta7yaaty
salam
dina

متغيرة شوية said...

ازيك يا شمعي

المسلسل بيتفتح في البيت غصب عني رغم اني بسترخمه جدا ، بس بابا وماما وبيحبوه
عموما أعتقد ان المشكلة فيلو اعلنوا ان المسلسل مأخوذ عن عثمان أحمد عثمان هيقعوا بقى في قضايا قرايبه ، ومين اللي مطلعه المسلسل بصورة وحشة والهبل اللي بيحصل كل مرة بيعملوا مسلسل عن شخصية عامة
ده غير صرف كا مليون علشان العيلة توافق أصلا ..وممكن ميوافقوش خالص
لكن اللي أعتقده ان المسلسل مستوحى من حياة عثمان أحمد عثمان لكن مش كل الاحداث هي الاحداث الحقيقة ، ولكن المؤلف خد بعد الخطوط وكمل الباقي بمعرفته

بالنسبة لاداء نور الشريف ، فهو متغيرش من يام ما كان عيل..رخم جدا جدا وهو ألأهم سبب مشبقدر أشوف المسلسل علشانه .. انت عارف مراراتي.

شمعى أسعد said...

مروة جمعة
----------
وانتى طيبة يا مروة

شطرا يا جميل على رأيك

انشالله دايماً


Ahmed Elsabbagh
-----------------
انا مش متحامل ولا حاجة

انا برده معجب بنجاح

عثمان احمد عثمان

بس طبعا علاقنه بالسادات

ودوره فى تمويل وانشاء الجماعة الاسلامية

هيفضل حاجز كبير بينى وبينه



elFadyConsultant
--------------------
رياض باشا

مفيش سبق ولا حاجة

انت ممكن تكتب رأيك

من وجهة نظرك

وعندك حق فى الانتظار للنهاية

لتكوين صورة اوضح

شمعى أسعد said...

أحمد مصطفى
------------
ازيك يا احمد

مبروك المدونة

المسلسل مش كله عثمان احمد عثمان طبعا

هو اخد من حياته لقطات كتير

والفكرة من وحى حياته

لكن بتصرف

لكن طبعا

المسلسل مغير حاجات كتير


اما ملاحظتك ان نجيب سرور

كتب عنه كده وسؤالك

نصدق مين

مسلسل مصرى ولا نجيب سرور


فتعالى نقسم البلد نصفين

اقصد نقسم عثمان نصفين

نصف كرجل اعمال ناجح

لا املك سوى الاعجاب به

ونصف كرجل سياسى

وهنا ينطبق عليه قول نجيب سرور

عثمان يعنى التعبان

شمعى أسعد said...

smraa alnil
------------
انوج

نورتى بلوجك ومطرحك

كلنا هذا الرجل

فعلا عندك حق

انا لما استقيل واكتب تاريخ حياتى

هافضح كل المسؤولين

وهاخليهم يغنوا فى تتر مسلسل حياتى

ده شمعى عاش يبنى فى قصور

ولا عمره ليلة بات فيها



قوليلى صحيح

هو عثمان مكنش بيحب ينام

فى القصور بتاعته

زى التتر ما بيقول

يعنى كان بيسيب القصر

وينام فى كشك الحراسة

شمعى أسعد said...

dr/dina
----------
شوفى انتى بقى

لما بلد زى مصر

ملطوعة ع الخريطة

قبل التاريخ بتاريخين

ومع ذلك مش عارفين

نلاقيلها تاريخ مكتوب صح

حاجة تجيب احباط بجد

شمعى أسعد said...

متغيرة شوية
------------

هيخاف ليه من القضايا

طالما الاسماء متغيرة شوية

والشخصيات متغيرة شوية

يبقى فين المشكلة

وليه بينكروا كل شوية


عموما سلامة مرارتك يا سلمى

:)

مجلة سيكولوجية مصرية said...

تحياتى ياشمعى
وانا بسمع نجيب سرور اكتشفت انى كتبت النص غلط

والصح هو

الخطف علينا مقاولة
والقبض علينا مقاولة
والقتل علينا مقاولة
وعصابة وسموها دولة
اشكول أحمد عثمان
عثمان أحمد اشكول
عثمان يعنى التعبان
بالفصحى ومين هيقول

مع تحياتى
أحمد مصطفى

شمعى أسعد said...

أحييك يا أحمد على مراجعتك ودقتك

انا عموما عملت بحث بعد أول كومنت منك

ولقيت النص الأصلى وقريته

بس يعنى إيه أشكول دى

دى انجليزى دى يا مرسى

:)

شمعى أسعد said...

أحمد مصطفى

ياريت تضيفنى على اى ماسنجر

shamei30@yahoo.com

eng_shamei@hotmail.com

مجلة سيكولوجية مصرية said...

حاضر ياشمعى رح اضيفك بس النظرية انى مبفتحش الماسنجر غير نادر

وبالنسبة لاشكول دا كان وزير امريكى او اسرئيلى مش فاكر بالظبط وكان معروف عنه انه كان داهية
مع تحياتى
أحمد مصطفى

الحمقاء المضلله innominate x said...

انا معاك في تعليقك على نور الشريف فأحيانا تجده يمثل باستسهال و لكني اايضا ارى انه الرجل دو الألف وجهه.....و فعلا احمد زكي ممكن حتى يعمل ام كلثوم

ahmed mefrh said...

السلام عليكم
اعتقد فى العمل الفنى يجب ان لا نتطرق الى موضوع التاريخ
لان العمل الفنى يدخل فيه الكثير من التعبرات و جمل من فكر المؤلف

اول زياره للمدونه
تحياتى اليكم
ابو مفراح

Ahmed Al-Sabbagh said...

نظرا لتميز مدونتكم فقد تمت اضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نذكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

مجلة سيكولوجية مصرية said...

هنكشفهم

انتظرونا1/11فى حملة هنكشفهم
لنكشف معا اخطبوط الفساد فى مصر
الراس معروفة ولكن الازرع تعمل فى الخفاء
لنحاربهم معا
نرحب بأى مقالات تكشف الفساد فى مصر
او اراء تدعمنا او تنقدنا نقد بناء

تحياتى ياشمعى ويارتك تتضمن مع الحملة

سهر الليالى said...

:D
حلوة اوى حكاية ان احمد ذكى كان ممكن يعمل ام كلثوم دى

فعلا المسلسل فيه كتير من حياه عثمان احمد عثمان وانا فى رايى انهم اكيد بنو حاجات كتير على مذكراتة والباقى بقى كان للحبكة الدرامية ويمكن هما مش عايزين يعترفو بكدة عسان الناس متتخيلش ان دى حقيقة عثمان مثلا المخبأة ويكون دة تشويه لصورة الراجل
ما انت عارف بقى الشائعات فى بلدنا عاملة ازاى

بس بصراحة وبغض النظر عن اداء نور الشريف المسلسل ككل اكتر من رائع وادوار الشباب فيه كانت رائعه جدا زائد ان شخصية الراجل دة مشوقه جدا وفعلا نتمنى ان نكون مثلة

فى انتظار ما سيقدمونة فى الجزء التانى
تحياتى

سهر الليالى said...

:D
حلوة اوى حكاية ان احمد ذكى كان ممكن يعمل ام كلثوم دى

فعلا المسلسل فيه كتير من حياه عثمان احمد عثمان وانا فى رايى انهم اكيد بنو حاجات كتير على مذكراتة والباقى بقى كان للحبكة الدرامية ويمكن هما مش عايزين يعترفو بكدة عسان الناس متتخيلش ان دى حقيقة عثمان مثلا المخبأة ويكون دة تشويه لصورة الراجل
ما انت عارف بقى الشائعات فى بلدنا عاملة ازاى

بس بصراحة وبغض النظر عن اداء نور الشريف المسلسل ككل اكتر من رائع وادوار الشباب فيه كانت رائعه جدا زائد ان شخصية الراجل دة مشوقه جدا وفعلا نتمنى ان نكون مثلة

فى انتظار ما سيقدمونة فى الجزء التانى
تحياتى

شمعى أسعد said...

الحمقاء المضلله innominate x
-------------------------------

حلوة قوى "يمثل باستسهال"

ازاى ماخطرتش على بالى

هو فعلا كده




ابو مفراح
------------

شكرا للزيارة الجميلة

يا رب ماتكونش الاخيرة

شمعى أسعد said...

سهر الليالى
------------

هو طبعا المسلسل لم يكن بالكامل

مطابقا لحياة عثمان احمد عثمان

ولكنه استوحى منه اشياء كثيرة

ولكنهم لا يريدون حتى ان يقولوا هذا

بل ينكرون وباصرار ان هناك

علاقة بين المسلسل وبين ذلك الرجل

فعلا قصة الرجل مشوقة جدا

ومذكراته ممتعة وبها سرد لتفاصيل كثيرة

محمود الدوح said...

ممكن تحس انها مجاملة
وطعن فى التاريخ كمان

لكن الحقيقة مرة
السادات هو اللى كون الظباط الاحرار
وكان هدفهم طرد الانجليز من مصر
ودا الهدف الاول

بص
اقرا التارخ من مكان موثوق منة

التاريخ كلة مغالطات
ومحدش يعرف الصح من الغلط

شمعى أسعد said...

محمود الدوح
-------------

معلومة غريبة

وجديدة

لو عندك مراجع موثوق منها

ياريت تفيدنا

jessy said...

عجباً على هؤلاء البشر التى تجهل بأن هناك شخص يمكن أن يقول لا وأن يمتلك الشجاعه التى تعينه على التصدى لمن يريد أن يغتال أحلامه وطموحه..فلنقول أن مسلسل الدالى لايرصد حياه عثمان أحمد عثمان بالشكل الكامل بل فلنرتفع أكثر من ذلك ونقول أن شخصيه سعد الدالى ما هى إلا شخصيه دراميه بحته فهذا لن ينفى أن شخصيه مثل سعد الدالى قادره على أن تستفذ بداخلنا سؤال هام ألا وهو(أين نحن من هذه الشخصيه؟)وكانت أداة الإستفذاذ هى الفنان نور الشريف فقد إستطاع ان يجسد الشخصيه بشكل رائع يجعلك تتمنى أن تكون فرد من أفراد العائله التى يرأسها سعد الدالى..هذا عن المسلسل والفنان نور الشريف..
أما عن الرئيس العبقرى الراحل محمد أنور السادات فهو كما كان دائماً لايحب الحديث والثرثره كغيره فأعماله مازالت تتحدث عنه حتى الأن

MIdo said...

موضوع رائع

Nizam Aris said...

thank you very much for this article, so nice.