Saturday, September 15, 2007

وظائف للمسلمين فقط


وصلنى هذا الإيميل من جروب خاص بالتوظيف










ولا تعليق على هذا الإعلان سوى أن أقول


أن أسباب البطالة بمصر كثيرة جداً


يزيد عليها أن تكون مسيحياً

33 comments:

Salwa said...

والله أول ما قرأت الموضوع .. قلت ياسلام شمعي عامل إعلان للشباب علشان يتوظفوا!
وبعدين
إتفاجأت ببند مسلم أو مسلمه
وبعدين إتفاجأت لما قلت إن الإعلان وصلك عبر الإيميل
إشمعنى أنت اللي وصلك عبر الإيميل
وأنت بالذات
هل أنت على معرفه بهذه الشركه أو العاملين فيها ؟
أظن إن هذا الإعلان أوفر حبتين ومش منطقي
هما لو عايزين مسلم أو مسلمه كانوا خلوا الشرط ده في السكريت
مش علني
يعني ببساطه ممكن يرفضوا أي حد مش بالمواصفات اللي عايزينها
وبعدين لو الشركه دي صادقه مش هتبعت ع الإيميلات
مش كده ولا إيه

مهندس شمعي
ليه بتأخذ الأشياء على محمل شخصي
وتبحث عن أي شئ لتظهر أن هناك اضطهاد
أنا أعرف واحد مسلم يعمل عند مسيحي
ولا يجعله يصلي في وقت العمل
إيه رأيك ؟
أليس هذا اضطهاد ؟
كما قلت سابقا الاضطهاد في كل مكان ولكل الديانات
والألوان

تحياتي

ألِف said...

محمل شخصي!

هو كان اشتكى من أن الإعلان مكتوب فيه "ممنوع تعيينمن يبدأ اسمهم بحرف 'سمعي'"!

لا يا سلوى، دا بيحصل فعلا: من كم سنة قرأت إعلان توظيف لسلسلة محلات مؤمن الشهيرة تطلب فيه "ذكورا مسلمين"..و من يومها و أنا مش باشتري منهم.

و حتى لو كان بيحصل في السر (و كلنا عارفين أنه بيحصل) فدا مش معناه أن التفرقة مش موجودة أو أننا ما "نزعلش بقى" لأنهم خلوه "في السكريت" زي ما بتقولي!

العلن هو بس دليل على قد إيه الأمور دي بقت مقبولة و مبررة عند الناس، بعد ما كانت في السر.

من ناحية ثانية أنا ممكن أقبل أن صاحب دكان يختار موظفين من دين معين، على أساس أن التعامل كله شخصي و المحل نفسه شأن ذاتي تقريبا و من حق كل واحد أنه يختار الأشخاص ال يشغلهم و يتعامل معهم، لكن كل ما الشركة تكبر يبقى دا غير مبرر من وجهة نظري، أخلاقيا و حتى من ناحية الرشد الإداري.

تسـنيم said...

وده باعتبار الن العاطلين في مصر مسيحين بس يا شمعي؟؟؟

ما اهو على يدك احنا في الهم والقهر سوا وبعدين بلاش تخلي حالات فردية توقع ما بيننا وبينكم الدين لله وبس يا شمعي
مش هبرر زي ما سلوى قال ان يمكن يكون الإعلان ده مش حقيقي ومجرد مادة لإثارة الفتن وتعبئة النفوس وبس بس يا سيدي باعتبار انه حقيقة ما في شركات كتير مالتي ناشينوال مش بتعين غير المسيحين بلاش نبص للأمور من المنطلق ده وانت عارف اننا في الهوا سوا واللي يمسكم يمسنا بالظبط..

سيبك انت رمضاااااان كريييييييم

شمعى أسعد said...

Salwa
-------
عزيزتى سلوى

أولاً
يتضح من ردك ضعف معلوماتك عن الانترنت فعندما أقول وصلنى إيميل من مجموعة بريدية ينتفى تماماً إحتمال كون الرسالة شخصية أو أن راسلها يعرفنى شخصياً

ثانياً
أنتى أيضاً لا تعرفينى فكان يجب بذل جهد أكبر فى إنتقاء تعبيراتك وعدم إلقاء التهم جزافاً

ثالثاً
لا أكتب خبراً أو معلومة إلا إذا كنت متحققاً منها كما أن الواقع المقرف الذى نعيشه جميعاً لا يحتمل أن نضيف له أكاذيب نصنعها بأنفسنا فأرجو أن نرتقى بأسلوب المداخلات

رابعاً
نقابل فى سوق العمل مثل هذا الأمور ولكن الجديد هنا أن يتم الإعلان عنها بشكل صريح وفج وهذا ما دفعنى للنشر

خامساً
يبدو أن خبرتك أيضاً فى سوق العمل محدودة وبالتالى أتفهم شعورك بالصدمة من سماع تلك الأخبار

سادساً
أعذر لك أيضاً أنك جزء من مجتمع أصبح يصدق كل شئ إلا الحقيقة

سابعاً
كنت أعمل فى فترة من حياتى مهندساً فى مصنع كبير يملكه رجل أعمال مسلم وكانت مواعيد العمل من الثامنة صباحاً حتى الثامنة مساءاً حتى فى رمضان وكان فقط يعطيهم ثلث ساعة فقط ساعة الإفطار فى رمضان فضلاً عن أنه كان لا يسمح بترك العمل من أجل الصلاة أنه فكر معين فى الإدارة لا دور للدين فيه


وأخيراً
مرسل لك اللينك الخاص بالمجموعة البريدية التى أرسلت الإعلان وأنتظر منك بعد أن تقرأيه إعتذاراً
http://finance.groups.yahoo.com/group/jobinegypt/message/3638

Salwa said...

هو تقريبا فمت من كلامي إني بتهمك أنك إخترعت هذا الأمر بدليل أنك وضعت لي لينك علشان أتأكد
إنك لم تكذب
طبعا ياريت تقرأ مرة أخرى ما كتبت أنا لتعلم أني لم أقصد ذلك
طبعا الأخ تسنيم فهم ما قصدته
وياريت تقرأ الجزأ اللي بقول إن الاضطهاد في كل مكان
وطبعا أنا ضربت لك مثل بالمسيحي الذي لا يسمح للمسلم بتأدية الصلاة
ورديت أنت بمثل مشابه لمسلم لا يسمح لأحد أيضا بتأدية الصلاة وبررت ذلك بأنه
فكر معين للإدارة
فلماذا لم تبرر هذا الإعلان بأنه أيضا فكر معين للإدارة
وبصرف النظر
إني ضعيفه في عالم الانترنت
ولست على درايه بسوق العمل
وبأني أصدق أي شئ إلا الحقيقة
فأنا لن أعضب لسبب بسيط
وهو أنك فهمت كلامي خطأ
فأنا لا أتهمك بشئ
فقط أكرر
أن الاضطهاد في كل مكان
ولو جلسنا لنرصده فلن يتحدث إنسان لإنسان

شمعى أسعد said...

ألِف
----

فى حوار سريع مع دكنور
قدرى حفنى
بعد محاضرة له فى إحدى الندوات قال لى بالنص أن فرع مؤمن فى حى شبرا اضطر إلى رفع الإعلان الذى كان يضعه على مدخل ذلك الفرع لما سببه له من خسائر واضحة نظراً لكثرة عدد المسيحيين فى ذلك الحى

شمعى أسعد said...

تسـنيم
-------

العزيزة تسنيم

إزيك وإزي أهل بورسعيد

كتبت هذا البوست لأشير ليس فقط لمشاكل الأقباط ولكن أيضاً للخطر الذى يتعرض له المجتمع وحالة الانحدار التى يمر بها والأمور تتطور بشكل سريع من سىء لأسوأ

ولم يعد هناك وقت

كل سنة وانتى طيبة

Salwa said...

اطلعت على مدونه تسنيم وعلافت أنها فتاه فعفوا
تجاهلت ردي العزيز شمعي ربما لأني لم اعتذر...
ولكن
أصر أن الاضطهاد في كل مكان
ولن أجامل في ذلك
وليس في مصر فقط
بل في العالم
فعندما تمنع فتاه من ارتداء الحجاب في بلد متقدم مثل فرنسا
فهذا اضطهاد
وعندما يمنع المسلم من العمل في بلد مثل أمريكا فقط لأنه مسلم فهذا اضطهاد
وعندما يسحل رجل لأنه أسود اللون فهذا اضطهاد وعنصريه أيضا
ولكن يبقى أننا في الأصل شعب واحد
في التعاملات الشخصية لا اضطهاد ولا عنصريه
اليوم نزلت جارتنا التي كانت مسافرة
وهي مسيحيه لتهنئنا بشهر رمضان
وكذلك نحن نفعل نفس الشئ في المناسبات الدينيه المسيحيه
لن أدوشك مرة أخرى

شمعى أسعد said...

Salwa
------
يا سلوى

نحن فى خندق واحد ضد كل صور الاضطهاد

لما اذا يبدو الامر كما لو كنا مختلفين


كل ما هناك انى اخدت على خاطرى شوية منك لما طلعتينى مشخصن الموضوع ولمحتى الى انى مفبركه وده كان واضح من ردك

وعموما ما دام هناك حوارا فلا اتصور ان تظل بيننا مشكلة

وثقى انه لو كان المسلمون هم الاقلية لتضامنت معهم فى مشاكلهم

فأنا أرى أن الاغلبية هى المعول عليها احتواء الأقلية وإنصافها

جميل قولك اننا شعب واحد


كل سنة وانتى زى الفل

ورمضان كريم يا ستى

Salwa said...

والله لم أقصد أنك مفبرك الموضوع ولا حاجه
بس يا شمعي دي أقليه
ومش لازم نعطيها فرصه لتزرع أحقاد بينا
ويا سيدي الله أكرم
واختلاف الرأي لا يفسد لقصاقيص ورق قضية
تحياتي

Anonymous said...

حلو الحوار بينك وبين سلوى
لو الكل بيتفهم زيها
كان مشاكل كتير اتحلت
طبيعى نستغرب فى الاول ونقول مش معقول
وطبيعى لما نتأكد نستنكر
المهم فى الاخر نفهم بعض ويفضل الود هو الاساس

صابرين

شمعى أسعد said...

Salwa
--------

متفقين يا سلوى

فؤاد حداد بيقول

مصر المصرية بتغنى

صدقينى بكام إعلان من دول

سواء من مسلمين أو مسيحيين

هنقول

مصرية مصرية بتنوح وبتلطم

تحياتى


صابرين
---------

فعلا الحوار هو الحل

منورة يا صابرين

بالمناسبة يا جماعة دى المدام

Salwa said...

سعيدة بوجودك صابرين
وتواصلك معنا وتفهمك

dr/dina said...

لو انت رحت تشتغل في مكان كله مسلمين من اللي هم ملتزمين بجد يعني لحية و جلباب و قران شغال ليل و نهار و دي شركه خاصه محتاجيين فيها 5 او 6 يساعدوهم و ما حددوش اللي يجي يشتغل مسلم او مسيحي و رحت انت انا فاهمه كويس انك مش هاتطيق كده فبالتالي هما جابوها من قصيرها و كمان بالنسبه لي لو الموضوع بالعكس مش هاحبه فعلا بغض النظر عن اي حاجه تانيه

انا فاهمه وجهة نظرك لكن برضه انا متأكده ان احنا اللي بنعقد الدنيا شوية زياده كلنا لازم نشتغل و الباقي توفيق من عند ربنا و الكلام في الحواديت دي لا هايقدم ولا يأخر

:) salaam
dina

شمعى أسعد said...

dr/dina
----------
معاكى حق
بس انا اللى قالقنى صراحة الإعلان الفجة

دى مشكلة ومعناها ان بكرة اصعب واوحش على الكل
فاهمة قصدى

انا مشكلتى هنا الروح المصرية ضاعت فى الجو الدينى ده

Human said...

الموضوع أبسط مما نتخيل ...صاحب العمل مسلم ولا يريد إلا عماله مسلمة ...هو حر ...بس مش معنى كده إن كل الناس كده وزي مافي زيه كده أكيد هاتلاقي على الجانب الأخر زيه بالظبط...بس بلاش نعمم

انا said...

هاى ياجماعه انتو شايفين كل حاجة فى البلد حالها مضبوط اوى لما ها نتكلم فى التحيز للدين دا شئ طبيعى لناس مقهورين ومظلومين فى كل مكان اننا لما نقدر نستقوى على غيرنا ها نستقوى بس

أنا حر said...

يا جماعة الموضوع ابسط من كده بكتير التحيز في كل حتة ومن حق صاحب العمل انه يختار جنسية ونوع وديانة كمان الناس اللي تشتغل عنده دي امور نفسية بلاش نولع بيها الدنيا
على فكرة مشكلة البطالة اكبر بكتير من الاعلان ده
تحياتي

Ahmed Elsabbagh said...

دى حالات فردية ياجماعة
ومفيش مبرر ابدا للتعصب
على فكرة انا مسلم وبشتغل فى شركة من الالف للياء مسيحين واصاحبها مسيحين
وماسك فيها بوزيشن كويس
وعمى ما حسيت باتطهاد ولو للحظة
اما الشركة اللى كنت شغال فيها من تلات سنين كانت كلها مسلمين وكان فيها واحد مسيحى اسمه مدحت والشركة كلها كانت بتعاملة كويس وكلنا رحنا فرحة فى الكنيسة
صدقونى مش مقياس خالص

ادعوكم لزيارة مدونتى

Riad Fakhri said...

إسمحوا لي أن أقاطع هذا الحوار الرائع المتمدين والذي يدور بين أربع أقطاب متفتحة العقول لأقول بأن الأخ شمعي كان يتحدث عن الوضع في مصر وليس عن مكان آخر في العالم رداً على نفي القائلون بعدم إضطهاد الأقباط في مصر أما عن الإضطهادات الأخرى الموجودة في العالم فلا شأن لها هنا لأن لا أحد مسلماً أو مسيحياً يستطيع أن ينكر الفظائع في العراق وغيرها ، ونحن لا ننكر عكس غيرنا وندفن رؤوسنا في الرمال، لقد سمح السادات لنفسه بنفى البابا شنودة الثالث يوماً ما وكبر أعضاء مجلس الشعب يوم خطابه بهذا القرار ولم يراعي كون الباب أب لجميع المسيحيين ، رداً على قول البابا بأن المسيحيين هم أصحاب البلد الأصليين وأن إعتبار الشريعة الإسلامية هى المصر الأساسي للتشريع وأصبحت تنطبق علينا غصباً، أليس هذا إضطهاداً يا أعزائي ، نحن لا ننكر ما قد يتعرض له أعراق أو أديان معينه للإضطهاد في أى مكان في العالم لكن المصريين لا يسعهم إلا النفى عندما يتعلق الأمر بإضطهاد الأقباط المصريين ، نحن لا نكره أحداً وأنتم إخوتنا حقاً لأننا جميعاً في خندق واحد لكن كل ما أتمناه أنا على نيابة عن جميع مسيحيو ومسلمو هذا البلد المثقفون أن تتسع الصدور دوماً للحوار الصحيح.
وكل عام وأنتم بخير حقاً وحقيقة من قلبي.
رياض فخري رياض - المحامي

سكوت هنصوت said...

منذ زمن لم أمر على مدونتك يا شمعي

عن الإعلان, فلا تعليق, هو أمر لا يستدعي بالضرورة هذه الضجة مادامت شركة خاصة, كنت سأقف ضدها بمنتهى العنف لو كانت شكرة حكومية تأخذ من مالك الخاص على صورة ضرائب كي تقيمها ثم تمنعك انت و اولادك من العمل فيها بحجة انك لست بمسلم, لكن من الواضح انها شركة خاصة, لذا لا يوجد هنا إضطهاد , يوجد حرية شخصية.
فيه فيلم امريكي اسمة single white female الفيلم عن فتاة تطلب رفيقة تقتسم معها إيجار الشقة, و حددتها بيضاء...لم يكن الفيلم يناقش العنصرية, وإنما اعتبرت رغبتها رغبة شخصية لا يوجد هنا مجال للتمييز العنصري.

ما اثار حفيظتي بشدة قول رياض و انقله هنا بنصة " ولم يراعي كون الباب أب لجميع المسيحيين ، رداً على قول البابا بأن المسيحيين هم أصحاب البلد الأصليين"

لابد من الإعتراف يا عزيزي شمعي, ان مقولة مثل هذه تجعل كلاما مثل انتم فعلا اخوة لا محل له من الإعراب..

و كأننا غزاة جئنا من بلاد الفرنجة لنحتل بلدكم و نفرض قواعدنا, يا أخي العزيز, اننا نحن المصريين احفاد المسيحين قد تحولنا الى الإسلام, وهذا لا يفقدنا حقنا في هذه الأرض, ولا يجعلكم متفضلين علينا بالإقامة فيها.

لنا حوار طويل لاحقا في هذا الشأن

تحياتي للجميع

Riad Fakhri said...

عزيزي سكوت حانصور:
أود أن أوضح ما قد إستفزك من كلامي فقد قلت أن الرئيس السادات عندما قرر نفي البابا شنودة كان نابعاً من نية عقابه على قوله هذا والذي على حد قول سادات يزيد من النعرة الدينية ولست أفهم ما هى النعرة الدينية، أو كما إستفزيت أنت ليس من حق البابا شنودة أن يستفز من موقف وزارة الداخلية في أحداث الزاوية الحمراء ويجد بعدها لائحة جديدة بنشر قانون بتعديل الدستور والمادة الثانية منه بأن المصدر الأساسي للتشريع هو الشريعة الإسلامية بعد أن كانت مصدر رسمي !!!!
لم يعجبك قولي والذي نقلته بأمانة عبر سنون التاريخ لكن لم يسمح لنا أو للبابا شنودة على رأسنا أن يعرب عن عدم إعجابه بهذا القرار سالف الذكر؟؟؟؟
سيدي إنني أكدت في معبر حديثي بأنني متأكد أننا في خندق واحد غير أن أحداً لم يلتفت لهذا مثلما يتحدث القائلون عنا بأننا نعبد ثلاثة على قولنا "بإسم الأب والإبن والروح القدس
ولم يصغوا لتكملتها وهي "الإله الواحد امين"
نرجو من الله أن يتسع صدر وفهم من يريد أن يفهم
وكل عام وأنت بخير وجميع المسلمين في العالم أجمع
شـــكـــــراً
رياض فخري رياض - المحامي

شمعى أسعد said...

أعتذر عن تأخيرى فى الرد

Human
-------
محدش قال إن البلد كلها كده

أكيد لسة فيها خير



انا
----

أكيد القهر موجود فى خلفية المشهد

وأكيد الاحتماء بالدين وتديين كل شئ

هيكون سمة مميزة للمرحلة



أنا حر
--------
كما قال "ألف"

الوضع ده مقبول لو بنتكلم عن دكانة

أو محل عصير لكن شركة وكيان كبير لا

شمعى أسعد said...

Ahmed Elsabbagh
------------------

لا أتحدث من وجهة نظر متعصبة

أتحدث من منطق القلق العام

القلق من مصير مزعج

أرى البلد متجهة صوبه فى حماس شديد

ولا أنفى وجود نماذج إيجابية

شمعى أسعد said...

Riad Fakhri
-------------

وأيضاً

سكوت هنصوت
------------

لم يعد يجدى الحديث بصيغة أنتم ونحن

كما أن عبارات من شاكلة

أننا أصحاب البلد وأنتم غزاة

أو أن النصارى ذميون

لن تفيدنا كثيراً

بل السعى نحو التعايش المشترك

والعمل الجاد على ذلك

قد يكون حقاً

قارب نجاة

مـخـطـوبـه said...

هيه جت على دى ؟

ادم المصري said...

دعونا نعترف ان المسمين والمسيحين الان بينهم ضغائن كثيرة
.
.
.
وما يلبث احد منهم ان يمتلك سلطة نحكم في احد منهم الا وطهر مااخفاه العرف السائد واساليب التعايش
.
.
.
.
لذلك انا لا اعترف مطلقا باي ن الفريقين حين يصرح علني في اي اعلانتجاري له عن ديانته
لان ذلك يستفزني كثيرا
.\
.
.
لك تحياتي والسلام

شمعى أسعد said...

مـخـطـوبـه
-------------

طب والحل



ادم المصري
-----------

دخلت محل لعب أطفال شهير فى الأسكندرية

لشراء لعبة لإبنى

لم يجد صاحب المحل آية يتبرك بها فى محله

سوى

الدين عند الله الإسلام

شغف said...

هوه بالنسبة للاعلان

يعني انا شايفة انه عادي
يعني ممكن جدااا تكون الشركة نفسها خاصة بتصنيع شيء خاص للمسلمين / لبس
مصاحف / كده يعني
و حتى
/زي ما فيه اعلانات كتير برضة بتشترط
ان اللي بتشتغل فيها ما تكونش محجبة
عادي

و أعتقد اني كنت شفت قبل كده حاجة زي كده طالبين حد مسيحي يشتغل


مش عارفة
كنت بأفكر زيك كده في الأول
لما ألاقي حد يقول عاوز / مسيحي بس / أو مسلم بس / أو المحجبات بس / أو غير
المحجبات بس

بس لما فكرت تاني لاقيت ان أحسن يكون الناس واضحين من البداية في تعاملاتهم ،حتى لو طريقة تفكيرهم غلط و عنصرية
يعني أحسن لما تروح تقدم في شغل و تكتشف بعد ما تضيع يوم بحاله انهم مش هاياخدوك
هوه بيتهيألي
ان نتيجة ده على المدى البعيد هاتبقى كويسة بس بشرط ان يحصل اهتمام على المدى القريب
و مقاومة لنوعية الأفكار دي
يعني
لما الناس تبقى واضحة
كده هايبقى أحسن
لأنك هاتقدر تمسك وضوحهم ده و تبدأ تناقشه
و تقول الغير منطوق
يعني اللي عنده حاجة يقولها
أحسن ما كل واحد يتكلم م الخندق بتاعه و يفتعل حاجات مش حقيقية
و بالتالي لما كل حاجة تبقى ظاهرة تحت نور الشمس
تقدر انك تقول ايه الصح فيها و ايه الغلط

شمعى أسعد said...

شغف
------

اكيد الموضوع لمن يخلو من ميزة

ففكرة الوضوح والتعامل على اساس واضح

هى ميزة جيدة بلا شك فى هذا الاعلان

شكرا يا ياسمين

واعتذر عن تأخرى فى الرد

هناء said...

إذا عمت خفت
انا ايضا قرات اعلان مطلوب فيه فتاة حسنة المظهر و عندما سألت ما معنى حسنة المظهر ردوا عليا يعني لا ترتدي الحجاب
و كان المحجبات غير حسنات المظهر

Anonymous said...

و ده شئ طبيعي جدا . لان فيه وظايف ماينفعشي فيها غير مسلمين بس زي مافيه وظايف ماينفعلهاش غير مسيحيين بس
واللي يبحث علي النت هيلاقي وظايف مطلوب ليها مسيحيين بس كتير و كذلك منح تعليمية مجانية كتيرة جدا بتقدم للمسيحين بس
و الحقيقه انهم وخدين حقهم اكتر من المسلمين لكن المسلمين محدش سال فيهم . كل واحد و شطارته

financialmanager said...

من فضلكم تابعوا هذه المدونه
إنها تستحق منكم الزياره

http://financialmanager.wordpress.com/