Saturday, June 16, 2007

أوقاتى بتحلو

أثناء تجولى بين قنوات الوصلة لعنها الله _ أو قطعها

وجدت أمامى الفنان العبقرى سيد مكاوى على عوده

يغنى إحدى أغانيه التى لحنها للمطربة الرائعة ورده

قاومت رغبة الجالسين فى استمرار التجول

والتنقل بلا هدف بين القنوات

كنت متحيزاً لفكرة أن من حق العملة الجيدة

أن تطرد ولو لمرة واحدة العملة الرديئة



ملحوظة
عنوان البوست هو أغنية ورده المقصودة

5 comments:

Marwa Friday said...

صباح الورد ياباشمهندس
إزيك ...؟
أنا ماعنديش وصلة أصلا ...ولا دش !
لكن أعشق سيد مكاوي وفتح عينك تاكل ملبن ..واللي شاف حمص ولا كالش ..حب واتلوع ولا ولا طالش! ا
جميل جدا ..
أنا أول واحدة أعلق ؟..هيييييه ! ا

سكوت هنصوت said...

احب الحان سيد مكاوي جدا..لكن لم يستهوني ابدا صوته...لكنه ولا شكل..من افضل الملحنين الي انجبتهم مصر..ممكن استثني من عدم الإعجاب ده...فقط غنوة مسحراتي..جايز عشان احساسة فيها كان اقوى من صوته..وجايز عشان اللحن كان متسق مع امكانيات صوته الضعيفة..تحياتي

قصاقيص said...

انا هموت علي الغنوة دي بس بصوت مكاوي مع ثومة
فعلا عمله نادرة مش جيدة بس
..........................
الحمدلله الدش بظ عملت الوصله قام صاحبها اتقبض عليه
هههههههه
ربنا نجدني

شمعى أسعد said...

مروة جمعة
--------

طالما معندكيش
لا دش ولا وصلة
يبقى عليكى بالراديو
فعلا
ولا يوم من ايامه
ولا ليلة
من لياليه

شكرا مروة

sokoothansawat
--------------

شوفى يا مها
انا زمان
كان ممكن اتعزز على مطرب او مطربة
واقول ده حلو وده رخم
لكن فى الوقت الحالى
وبعد ما وصلت اننا بنغنى لاصناف معينة
من الخضر والفاكهة

لازم نعترف ان بتوع زمان دول كانوا
فعلا نجوم
على الاقل
كانوا قاصدين يطربوكى
حتى وان اخطأوا
لكن دلوقت اغلبهم بيكونوا
قاصدين اصلا يعذبوكى


قصاقيص
--------

مى الجميلة هنا
ده شرف كبير يافندم
على فكرة
بكرة اقول
مى عبد الرحمن
دى كانت بتعلق عندى
بس يارب يصدقونى
:)

خيرالدين said...

توضيح بسيط
لحن اوقاتى بتحلو كان معمول لام كلثوم قبل وفاتها واتوفت قبل ما تغنيه فغناه مكاوى

أول زياره عندك ومدونتك جميله جدا