وعامللي شاطر ف الحساب
وانت خايب حتى في عد الصحاب
افتح الكراس وراجع
كام صديق
سابوا فيك
جرح ومواجع
كام صديق ف العمر ساب
وكل مرة
تقول دي مرة
وبعدها تبدأ جديد
كشف أحزانك يزيد
كل يوم أحزان إضافي
وكام محاولة للتعافي
وكام محاولة للعتاب
فترجع وتحسب
وتقسم وتضرب
وتطرح وتجمع
وتخصم ما يوجع
تكتشف كام غلطة عدوا
وانت برضو
لسة خايب ف الحساب
شمعي أسعد
#تأملات_على_الصحراوي
No comments:
Post a Comment