كلمتين مش مستاهلين نوت لكن للضرورة احكام

by Shamei Asaad on Friday, May 25, 2012 at 4:07am ·

الفيسبوك كله مليان لوم وتأنبين للمسيحيين كأنهم فجأة بقوا اغلبية وبيعرفوا يرجحوا كفة ده على ده
مع ان اغلب اللى اعرفهم (من عيلتى واصدقائى المسيحيين) رشحوا حمدين
وكتير رشحوا موسى
وكتير جدا رشحوا شفيق
لكن
شفيق معاه ايضا الصوفيين
ومعاه موظفين وزارة الدفاع وموظفين الداخلية بكل اسرهم وبتعليمات من الامن
اهل قنا اللى رفضو المحافظ المسيحى شفيق مكتسح هناك
استطلاعات الرأى اللى بتتعمل بقالها كذا شهر من جهات مختلفة وعلى شرائح مختلفة كان موسى وشفيق بياخدوا ترتيب عالى يعنى من اغلبية مسلمة
واخر خبر سمعته ان السلفيين (الله اعلم دقته) لو حصل اعادة بين شفيق ومرسى هايختاروا شفيق
لكن كل دول ولا حاجة
الاقباط الاغلبية فى مصر هم اللى هاينجحوا شفيق
اسف على لهجة المرارة لكن فعلا بقت حرب اعصاب غير محتملة
وبقى الاقباط شماعة جاهزة نعلق عليها اخطاء الثورة اللى ناس كتير كرهتها وبقت فعلا مع موسى او شفيق
ومش بقابل صديق مسلم غير ويأكدلى ان ابوه او عمه او خاله او خالته او او او اختاروا شفيق او عمرو موسى لانهم فى قرارة نفسهم ضد الثورة ومع الجيش
ومحدش بيلوم الاخوان والسلفيين اللى جابوا مجلس الشعب بشكله الرائع اللى شايفنه كلناومحدش حاسس ان الاخوان بيعبوا اتوبيسات محملة من القرى عشان يروحوا اللجان ويصوتوا لمرسى اللى هو مفيش منه اى قلق خالص القلق كله من شفيق وعمرو موسى

كتبتها على الفيسبوك ليلة اعلان نتيجة انتخابات الرئيس ولما تقراها هايكون ملهاش اى لازمة لكنها هنا للأرشفة لا أكثر