Thursday, December 07, 2006

حوار بين سين وصاد


س: الحكومة دى عايزين نغيرها
ص: تعالى نعمل اعتصام مفتوح
س: يللا
ص: زى حزب الله فى لبنان
ص: ونعمل حزب اسمه شئ لله

س: أيوه عندك حق
ص: على وزن حزب الله
س: هههههههههه
ص: ونقعد يومين فى شوارع بيروت
س: الله ده أنت بتتكلم جد بقى
ص: اه طبعا
س: ماشى أنا موافق
ص: تسالنى ليه شوارع بيروت مع اننا عايزين نخلع حكومة مصر
س: ليه
ص: عشان احنا حافظين مش فاهمين
س: بس أنت الزعيم
ص: ماشى زى بعضة نزولاً على رغبة الشعب
س: هههههه
ص: شفت وزارة الكهرباء ووزارة الآثار واقعين مع بعض
س: يا راجل
ص: انت ما سمعتش عن الأزمة بين وزارة الكهرباء ووزارة الآثار
ص: بسبب منطقة الضبعة
س: لأ أنت بتكلم بجد ؟
ص: دى جد صدقنى
ص: عارف منطقة الضبعة
ص: وزارة الكهربا عايزة تعمل فيها المفاعل النووى
س: أول مرّة أعرف
ص: وزارة الآثار قالتلهم المنطقة فيها آثار
س: وبعدين
ص: كلمة من هنا وكلمة من هنا
ص: وقعوا مع بعض
س: ههههههههه
ص: وهددوا بعض باستخدام القوة
ص: تخيل وصلت للتهديد باستخدام القوة
س: لأ مصدقش
ص: صدقنى
ص: تهديد يعنى مش حصل فعلاً
س: وبعدين
ص: لسة الموضوع معلق
ص: الآثار مش راضيين يدخّلوا بتوع الكهربا غير بتصريح وهكذا

س: خايف لا الكهربا تعمل المفاعل تقوم الاثار تنتقم
ص: وتهدد بضرب المفاعل
س: ههههههههه
ص: وممكن تتهم الكهربا بانهم عندهم اسلحة نووية
س: لأ ممكن الكهربا تكهرب المفاعل علشان محدش ييجي جنبه
ص: هههههههههه
ص: اه بس وزارة الآثار ممكن تعملهم عمل يابا
ص: دول آثار يعنى معاهم السحر بتاع الفراعنة كله

س: هتجيبلهم لعنة الفراعنة
ص: وبعدين تكبر فى دماغ امريكا
س: ههههههههههه
ص: انت عارف امريكا تسمع كلمة مفاعل وتهيج
س: أيوه صح
ص: وهى هايجة اصلاً من ايام مونيكا
س: هههههههههههههه

12 comments:

[ahmEd_H] said...

طول عمرى بحل الرياضه ب س و ص عمرى ماعرفت انهم مصريين

بوست تحفه

كراكيب نـهـى مـحمود said...

تحفه موتنتني بس مش عارفه من الضحك ولا البكا تحياتي

Jasy said...

جميل قوى بس هيكون اجمل لو حطيت بقيت الحروف زى ياء و نون و سين و حاء معكوسين و معاهم برده الف و تاء و باءو الف و عين وهاء بس معدولين. عشان نبقى كملنا الحروف

smraa alnil said...

ههههههههههههههههه تصدق بد اني ضحكت
فكرة حلوة اوي بتاعت الكهربا والاثار دي
ما تخترع بقي حوار بين وزارة الصرف الصحي ووزارة الصحة
هتبقي في الجون
مدونتك عجبتني اوي
وهتابعها بس لما اشوف المشكلة العجيبة بتاعت الويندز اللي عندي
سلاحف

Hapy said...

شمعي
شخصيتك ظاهرة فعلا في البوست
حساك كأنك بتتكلم

تحياتي

smraa alnil said...

اانت يا ابني ما تكتب حاجة جديدة بقي

sarah mohamed nagaty said...

وعى المصريين باللى حواليهم دلوقتى فعلا مش زايد عن كده كتير , مع الأسف ,سلام

أميرة ويلز said...

هههههههههههه
بوست جميل جدا بجد اسلوبك هايل نظام السم فى العسل كدة

ربنا يوفقك

تحياتى

IBN BAHYA said...

أولا
عيد سعيد
وكل عام وأنتم ومن تحبون بكل بخير وسعاده

بجد تدوينه رائعه

أرق تحياتي

واحدة وخلاص said...

وست لذيذ
بس هى امتى هيئة الاثار استقلت وبقت وزارة
ولا انت فى الخباثة كده عندك معلومات بتعديلات فى الحقائب الوزارية
تخيل عمك زاهى حواس وزير
ههههههه
دى مصر ام العجايب صحيح

شمعى أسعد said...

شكرا للجميع

بجد نورتونى

اما بالنسبة لموضوع وزارة الاثار اللى هى مش وزارة

فده كان وضع مؤقت بس عشان اقدر احط راسها براس وزارة الكهرباء

يعنى يرضيكى يا عزة

ان الاثار تقف قدام وزارة الكهرباء بجلالة قدرها
وهى مجرد هيئة

شكرا على الملحوظة

موقع الزمالك said...

جميله فكره الموضوع
يا مان جامده عن جد
اعجبنى جدا هذا البيت متميز يا غالى فى اشعارك
تقبل مورى

موقع الزمالك

موقع جوجو الشامل

موقع الاهلى المصرى 101

موقع اخبار الكورة المصرية,الاوربية,العالمية,الاهلى

موقع النادى الاسماعيلى ,اخبار الاسماعيلى

موقع تعليم الفوركس للمبتدئين اون لاين

موقع شباب بيك