Thursday, February 23, 2006

يا حكاية جميلة

يا حكاية جميلة ليلاتى
بحكيها لحد الفجر
وبفكر فيكى بقالى
من عشرة حداشر شهر
وبجيب الورقة وقلمى
واكتب أشعار علشانك
وافرشلك ركن فى قلبى
واتمنى يكون ده مكانك
وبشوفك زى فراشة
بتطير حوالين الزهر
وبشوف الكون فى عيونك
شمساية ونسمة وبحر
دنا فاكر يوم ما عرفتك
بالصدفة سافرتى معايا
فى القطر قعدنا نحكى
وحكاية تجيب فى حكاية
من يومها وقلبى يقوللى
خلصت خلاص الصبر
وما دمت عرفت ميعادها
ومكانها فى قطر العصر
هيسافر قلبى معاكى
مطرح ما تروحى يروح
وبشوفك معنى وغاية
وكلام بيرد الروح
والقلب أمرنى بحبك
ولقيتنى بطيع الأمر
أنزل من بيتنا بسرعة
استنى ميعاد القطر





نشرت فى جريدة القاهرة بتاريخ
28 Feb. 2001




ونشرت فى جريدة القاهرة مرة أخرى بتاريخ
31 July 2001

4 comments:

Eve said...

مرحبا. شكراً على رسالتك. كلماتك جميلة فعلاً. مبروك على المدوّنة، وبالتّوفيق.

Anonymous said...

ألف ألف ألف مبروك على المدونة يا باشا ، بس مش كنت تقولنا ولا هى لسة خالصة ولا ايه ، على العموم عقبال مشاركات اكتر
وبالنسبة للحكايةالجميلة هى فعلاً جميلة وانا برضة كنت في القطر وبستنى ميعاده .

Anonymous said...

مازالت رائعة

واحلى ما كتبت

عايزة اقره حاجة احلى بقى

وان كنت شاعرة بغيرة منها

هيفضل الاحساس ده كتير

صابرين

موقع جوجو الشامل said...

حقا انا اصبحت من زوار مدونتك اليوم

موقع الزمالك

موقع جوجو الشامل

موقع الاهلى المصرى 101

موقع اخبار الكورة المصرية,الاوربية,العالمية,الاهلى

موقع النادى الاسماعيلى ,اخبار الاسماعيلى

موقع تعليم الفوركس للمبتدئين اون لاين

موقع شباب بيك
بالتوفيق يا غالى