Wednesday, February 22, 2006

نفسى احرر قصايدى منك

نفسى احرر قصايدى منك
نفسى أكتب مرة شعر فى أى حاجة
ولو مرة واحدة ما يكونش عنك
عن أى شئ فى الكون جميل
ضحكة صافية . . نجمة شاردة
قولى وردة . . أو نخيل
عن يوم سعيد مرَ بى
كان قصير أو طويل
عن يوم حزين نسانى ضحكى
عن شئ أليم خلانى أبكى
عن مصر مثلاً بلد العجايب
واديكى شايفة الهموم زكايب
والنيل الغريب فى بلد الحبايب
عطشان والمية فيه
مستنى الحبيب يرويه
والحبيب طول عمره غايب
نفسى احرر قصايدى منك
نفسى أكتب مرة شعر فى أى حاجة
ولو مرة واحدة ما يكونش عنك
بس مش قادر يمكن لأنك
زى حرف من الحروف
زى ما العين لازم تشوف
أقصد كأنك
شئ ضرورى لأى شعر
زى الوزن والتفاعيل
زى كل كلام جميل
لو يوم داريتك عن شعرى مرة
هابص ألقاه يسألنى عنك
نفسى احرر قصايدى منك





نشرت فى جريدة القاهرة بتاريخ

10 December 2000

6 comments:

Anonymous said...

نيالها ...كلام حلو كتير و مليان مشاعر

شمعى أسعد said...

مدونتك حلوة كمان
انتى صديقة حلا؟

Anonymous said...

بصراحة كلام معناه كبير

Anonymous said...

بصراحة كلام معناه كبير

Anonymous said...

جميلة يا شمعى

مفروض تطلع ديوان على الاتنين الاخرانيين دول

وحشتنى

صابرين

موقع الاهلى المصرى 101 said...

فكره مدونت شقيه جدا
موقع الزمالك

موقع جوجو الشامل

موقع الاهلى المصرى 101

موقع اخبار الكورة المصرية,الاوربية,العالمية,الاهلى

موقع النادى الاسماعيلى ,اخبار الاسماعيلى

موقع تعليم الفوركس للمبتدئين اون لاين

موقع شباب بيك
تقبل ودى يا غالى