وييجى الخريف
ويزيد الحزن جوايا
كأنه محوش لقلبى
طول السنة أحزانه
وييجى الخريف
وتزيد الغربة جوايا
وقلبى يتوه فى أوطانه
واحس أوراق العمر
زى أوراق الخريف
تتشبث بالخيط الضعيف
وتصرخ بالصوت الحفيف
وتحلم بيوم الربيع
يلملمها فى أحضانه
وييجى الخريف
وارجع لأيام الطفولة
وسنين حياتى الأولى
لما كان القلب أخضر
لما كان العمر أخضر
لما كان حتى الخريف
بييجى أخضر
مهما كانت ألوانه
وف لحظة تشبه تمام
ليلة شتا
من كتر ما فيها أحلام
وأمانى ميتة
وقلبى فى عز حرمانه
افتكرتك معرفش ليه
لقيتك فى قلبى وحواليا
حسيت بقلبى
لسه فى مكانه
ولقيتنى بعد بعاد وغربة
باتمنى ألقى بين إيديكى صحبة
وينهى الحزن فيضانه
ولقيتنى فى عز اشتياقى للربيع
بالجأ إليكى
لأنك تمللى
ربيع سابق أوانه
خريف 94
أول تعليق
ReplyDeleteهييييييييييييه
إيه الجمال ده
بجد كلمات رقيقه جدا
وأجمل حاجه إنك في النهايه
تجد الربيع
أتمنى لك كل سعاده وحياة ربيعيه
حضرتك ومدام صابرين طبعا
وأشكرك على زيارتك وأرجو أن تكون دائمه
خالص تحياااااتي
بجد يا سلوى
ReplyDeleteانا اللى بشكرك على زياراتك
الدائمة لدكانتى المتواضعة دى
وعموما
التعليقات الجميلة المشجعة
كلها بتعملى جو ربيعى دائم
هتزعل منى لو قلتلك لسه ع الشعر الجيد شوية؟
ReplyDeleteوعموما
أنا هستنى
تحياتى
اكتشفت النهارده شاعر قوى ومتمكن
ReplyDeleteزيارتى الأولى ومش هاتبقى الأخيره لو سمحتلى
تحياتى
سيدي
ReplyDeleteفي البداية أهلا بك
و اتمنى أن تهتم و تقرأ مداخلتي
انا مصرية سكندرية عندي لك دعوة لحضور ندوة في جمعية مصر للثقافة و الحوار
بعنوان
" مهارات الاتصال الفعال "
كنت أتمنى أن أجد لسيادتكم بريدا الكترونيا أو ما شابه و لكن لا يوجد
أعرفكم بنفسي
مها عمر من الاسكندرية
جمعية مصر ببثقافة و الحوار
www.tafaselena.blogspot.com
هذه مدونتي الخاصة
رسالني على
thakafa_hewar@yahoo.com
كلمات جميله جدا بجد
ReplyDeleteعارف انا بحب الخريف قوى رغم حزنه
وييجى الخريف
وارجع لأيام الطفولة
وسنين حياتى الأولى
لما كان القلب أخضر
لما كان العمر أخضر
لما كان حتى الخريف
بييجى أخضر
حلو احساسك قوى
خال تحيااااااااااااتى
عين ضيقة
ReplyDelete----------
اهو بنحاول يا ستى
ميرسى على اهتمامك
وينكى
--------
وينكى ازيك
شكرا على الاطراء الجميل
وشكرا على الزيارة
واتنمى متكونش الاخيرة فعلا
Anonymous
ReplyDelete------------
استاذة مها عمر
شكرا على الدعوة
وانشاءالله هاحضر
ra7eel
---------
ميرسى جدا يا راحيل
احسدك على حبك للخريف
:)
مستر شمعي
ReplyDeleteبجد
كلمات رائعة
جداااا
بس متفكرنيش بقى
بالشتا ولا بالخريف
ياريت الدنيا تفضل على طول ربيع او حتى صيف
انت مخاصمنى ولا ايه
ReplyDeleteتحياتى
أحمد مصطفى
الله ينور ...
ReplyDeleteجميلة قوي يا هندسة
بجد عجبتني قوي وأتمنى زيك
يرجع العمر أخضر
يأتي الخريف
ReplyDeleteويذكرني بما كان
يقوقعني بالاحزان
يقربني الى الشتاء
الى مطر وبكاء
يأتي الخريف
ينبه لخريف عمر آت
وربيع عمر ذاهب
ربيع قصير لا ادري هل مر
ام هو قادم
ربيع انتظرته حتى مل الصبر من صبري
اي كلام
اسفة اني مش متفائلة زيك
سلام