Thursday, September 11, 2008

وحوي . . يا حوي



-->

-->
وحوي . . يا حوي

قلبى بيحوي

ألف فانوس مليان أحلام

لما بلاقى الدنيـــــــــا حزينة

والأحلام جــــــــوايا سجينة

باخد منهم واعمـــــــل زينة

وألعب وحدى مع الأيام
. . .

وحوي . . يا حوي

قلبى بيحوي

حب بيملى الكون ويزيد

بحب اللمة واحب الضــــمة

واحب سكون الليل والضلمة

واحب النور واللون والزحمة


واحب الدنيا فى لبس العيد

. . .

وحوي يا وحوي

ف نومي وصحوي

بحارب ألف عدو جبان

بحارب كسلي ووخمي وجهلي

وأقاوح لما النوم يندهلي

ولما بحاول أفرح أهلي

بيطلع منى شغل جنان


at

28 comments:

  1. قوس قزحThursday, September 11, 2008 8:52:00 AM

    رغم انه بسيط و قصير
    لكن معانيه جميلة
    يارب ايامك كلها تكون منورة و مش حزينة

    ReplyDelete
  2. OssamaThursday, September 11, 2008 10:02:00 AM

    حلوة جدا يا باشمهندس
    وعميقة بجد

    ReplyDelete
  3. شمعى أسعدThursday, September 11, 2008 10:20:00 AM

    قوس قزح
    ----------------

    منورة المدونة
    اول مرة تزورينا




    دكتور أسامة
    -----------------
    يافندم احنا مش قد الكرم ده
    طبعا رأيك يسعدنى جدا

    ReplyDelete
  4. AnonymousThursday, September 11, 2008 10:35:00 AM

    رائعه

    حسيت فيها بشيء من الحزن

    بس حلوة أوي

    روح طفل كبير ربما رجل كبير السن بقلب طفل ..

    معلش بقي كل واحد و نضارته

    بس بجد رائعه

    ياسمين

    ReplyDelete
  5. AlkomiThursday, September 11, 2008 11:41:00 AM

    و تلعب لوحدك ليه يا شمعي و احنا معاك

    ولا اسيح بقى عاللي بيحصل

    ولا اوعى تكون بتشتغلنا و بتلعب من ورانا


    كل سنة و انت و اسرتك طيبين و سعداء

    ReplyDelete
  6. شمعى أسعدThursday, September 11, 2008 12:16:00 PM

    عاقلة علي ارض الجنون

    ----------------------------

    روح طفل كبير ربما رجل كبير السن بقلب طفل


    ده تعبير بحسدنى عليه
    :)


    محمد الكومي
    -------------

    يا باشا لا كان ولا هيكون اللى يلعب لوحده

    من غير تسييح بقى
    :)

    ReplyDelete
  7. AnonymousThursday, September 11, 2008 12:47:00 PM

    عم شمعى
    وحوى يا وحوى
    عسوووووله قوى
    بس بلاش طمع وتلعب لوحدك كده
    انت بس نور الفانوس وهاتلاقى العيال كلهم جريوا عليك

    ReplyDelete
  8. SourahSaturday, September 13, 2008 11:18:00 AM

    جميلة اوي يا باشمهندس
    كل سنة و انت طيب

    تقبل تحياتي

    و اخر الكلام سلااام ..!!

    ReplyDelete
  9. AnonymousMonday, September 15, 2008 11:57:00 PM

    حلوة أوووووووي يا شمعي



    كل سنة وانت طيب

    ReplyDelete
  10. AnonymousTuesday, September 16, 2008 1:32:00 AM

    حلوة قوي يا باشمهندس...

    Keep it on, man!

    :)

    A. Zidan

    ReplyDelete
  11. Mohamed AbdelgeleelThursday, September 18, 2008 1:54:00 AM

    مركز ضحايا لحقوق الانسان بالاسكندرية يهيب بكل الناشطين والاعلاميين والصحفيين ولجان حقوق الانسان للمشاركة فى المؤتمر الصحفى الحاشد من وراء اغلاق مدرسة الجزيرة بالاسكندرية جريمة تشريد الف تلميذ بالاسكندرية باغلاق مدرستهم فى اول ايام الدراسة وذلك يوم الجمعة الموافق 19/9/2008 فى تمام الساعة التاسعة مساءا بنادى المحامين - كورنيش جليم - الاسكندرية

    ReplyDelete
  12. AnonymousFriday, September 19, 2008 5:08:00 PM

    شمعي باشا
    كل سنه و انت طيب ده اول تعليق ليا عندك يعني ليا هديه محترمه
    جميل اوي الكلام بس فين الفانوس بتاعي

    ReplyDelete
  13. شمعى أسعدSaturday, September 20, 2008 2:08:00 AM

    وينكى
    -----------
    ازيك


    هاتغنيها بقى

    Sourah
    ---------
    وانتى طيبة
    وميرسى جدا على زيارتك



    تســنيم
    -----------

    شكرا تسنيم
    منورة

    سلمى على بورسعيد


    Ahmed Zidan
    ---------------

    احمد زيدان الجميل
    نورت بجد مدونتى

    مبسوط انها عجبتك

    EmY
    --------

    وانت طيب يا جميل
    المدونة نورت

    فانوسك خديه من الكومى بقى
    :)

    ReplyDelete
  14. AnonymousMonday, September 22, 2008 1:56:00 AM

    جميلة اوى

    وانا بقراها وهى مكتملة

    وبعد التعديل

    والشيل والحط

    حسيت ان عندك حق

    هى كده أرق و
    أحلى

    تقبل قبلاتى

    صابرين

    ReplyDelete
  15. Ahmed Al-SabbaghTuesday, September 23, 2008 5:48:00 AM

    الله عليك بجد

    رغم قصرها بس عيشتنى فى اروع جو

    وطالعة حلوة اوى منك

    بجد انت شاعر احساسك عالى اوى

    تحياتى ليك

    ReplyDelete
  16. Dr.Mohammed GoharyTuesday, September 23, 2008 8:14:00 AM

    الله
    بجد ممتازة
    أنا عامل بجد قصيدة زوغيورة عن رمضان
    ياريت تشرفنا
    تحيااااااتي

    ReplyDelete
  17. ShereenTuesday, September 23, 2008 11:47:00 AM

    يا شمعى... شكرا على تليقك على موضوعى.. أنا قريت ال Blog بتاعك عن الدالى... وأنضم اليك فى أرائك عن التاريخ والسادات... اللى أقدر ألخلصلك شخصيته فى كلمتين.. لؤم الفلاحين... أما عن دوووووووووووره الفظيع فى الثورة.. ففيلم أحمد ذكى بيقول انه ليلتها خد المدام وراح السينما... وأنا مصدقة... أنا كمان شايفة ان أحمد ذكى أروع ممثل حصل... أتمنى نبقى أصحاب :)

    ReplyDelete
  18. dina selimanTuesday, September 23, 2008 11:51:00 AM

    جميله جدااا يا استاذ شمعى
    بجد رجعتلنا روح رمضان واحنا بنودعه
    اللهم تقبل منا صالح اعمالنا
    واجعلنا عتقاء هذا الشهر

    ReplyDelete
  19. عمرو عزتTuesday, September 23, 2008 12:07:00 PM

    جميلة القصيدة
    تحياتي لك

    ReplyDelete
  20. أبو خالدTuesday, September 23, 2008 10:19:00 PM

    أبني العزيز شمعي
    قصيدة رائعة تنم عن طيبه و حب لكل الناس رغم الأحزان داخلها إلا أنها بها أمل في الغد
    أبني الفاضل
    سعدت بزيارة مدونتك و لن تكون آخر زيارة

    ReplyDelete
  21. شمعى أسعدTuesday, September 23, 2008 11:53:00 PM

    صابرين
    ---------
    اجمل واطول قبلة فى تاريخ السيما
    :)

    Ahmed Al-Sabbagh
    --------------------

    احمد الجميل

    مش عارف اقولك ايه
    غير انك بجد جميل




    Dr.Mohammed Gohary
    -----------------------

    شكرا يا دكتور على مرورك
    انشاءالله هاقراها حاضر



    Shereen
    ---------

    مبسوط ان بوست عثمان احمد عثمان عجبك

    واتمنى نبقى اصحاب طبعا



    dina seliman
    ---------------
    اى خدمة
    :)




    عمرو عزت
    ----------

    شكرا يا عمرو

    ببعتلك السلام مع محمود كتير
    بيوصل؟



    أبو خالد
    ----------
    منورنى يا استاذ
    ومنور المدونة
    وشكرا لزيارتك جدا

    ReplyDelete
  22. قوس قزحWednesday, September 24, 2008 4:37:00 AM

    اضافة رقيقة

    فيها احساس الفرحة اكتر

    تحياتى

    ReplyDelete
  23. بنت مصريهSaturday, September 27, 2008 2:30:00 AM

    ههههههههههههه
    حلوه قوى الشعر والكلام الجميل دا ربنا يسعد ايامك يا رب وتكون كلها وحوى

    ReplyDelete
  24. شمعى أسعدMonday, September 29, 2008 7:31:00 AM

    قوس قزح
    -------------
    أشكرك مرة أخرى
    :)


    بنت مصريه
    --------------

    آمين

    وشكرا على الدعوة الجميلة دى

    كل سنة وانتى طيبة
    :)

    ReplyDelete
  25. مهندس مصري بيحب مصرMonday, September 29, 2008 9:16:00 PM

    قريت فاروق و ناصر على الريدر
    متفق معاك في كل اللي قلته
    مش عارف ليه حذفت البوست ده
    تقديس الزعماء فعلاً حاجة غير واقعية لإنهم كانوا بشر و لهم أخطاؤهم

    ReplyDelete
  26. شباب روش طحنTuesday, October 07, 2008 12:02:00 AM

    كلمات جميلة فعلا

    تعرف إن في رأي بيقول أن وحوي يا وحوي دي أصلها فرعوني غناها المصريين لما أنتصر المصريين علي الهكسوس

    ReplyDelete
  27. موقع الزمالكSunday, November 22, 2009 7:39:00 PM

    اعجبنى جدا هذا البيت متميز يا غالى فى اشعارك
    تقبل مورى

    موقع الزمالك

    موقع جوجو الشامل

    موقع الاهلى المصرى 101

    موقع اخبار الكورة المصرية,الاوربية,العالمية,الاهلى

    موقع النادى الاسماعيلى ,اخبار الاسماعيلى

    موقع تعليم الفوركس للمبتدئين اون لاين

    موقع شباب بيك

    ReplyDelete
  28. اخبار اليومFriday, April 20, 2012 12:59:00 AM

    تسلم ايديك على الموضوع
    اخبار اليوم-اخبار مصر

    ReplyDelete